Намояндагони Тоҷикистон бо ҷавонону варзишгарони тоҷики муқими шаҳри Қазон вохӯрӣ намуданд
ДУШАНБЕ, 26.02.2024. /АМИТ «Ховар»/. Дар доираи баргузории мусобиқаҳои байналмилалии бисёрсоҳаи варзиш «Бозиҳои оянда», ки дар шаҳри Қазони Федератсияи Русия идома доранд, намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо фаъолият ва дастовардҳои Ташкилоти ҷамъиятии фарҳангии тоҷикони Ҷумҳурии Тотористон шинос шуда, бо ҷавонону варзишгарони муқими шаҳри Қазони Федератсияи Русия вохӯрӣ намуданд.
Дар вохӯрӣ раиси Ташкилоти ҷамъиятии фарҳангии тоҷикони Ҷумҳурии Тотористон Садриддин Тоиров ва дигар шахсони масъули ҷамъият иштирок намуданд.
Зимни вохӯрӣ тақвияти фаъолият дар самтҳои кор бо ҷавонон ва варзиш, иштироки фаъолонаи ҷавонон дар чорабиниҳои гуногуни варзишию фарҳангӣ, инчунин нигоҳ доштани урфу анъанаҳои миллӣ ва ташкилу амалӣ намудани чорабиниҳо дар шаҳри Қазони Ҷумҳурии Тотористон мавриди муҳокима қарор гирифт.
Иттилоъ дода шуд, ки дар ин ҷамъият беш аз 39 ҳазор шаҳрвандони Ҷумҳурии Тоҷикистон сабт шудаанд, ки аз ин шумора зиёда аз 8 ҳазорашро ҷавонон ташкил медиҳанд. Инчунин дар Ҷумҳурии Тотористон беш аз 18 ҳазор тоҷикони муқимӣ фаъолият менамоянд.
Бо мақсади иштироки ҷавонон дар барномаҳои фарҳангию варзишӣ бо дастгирии роҳбарияти Кумитаи кор бо ҷавонон ва варзиш ба ҷамъияти тоҷикони Ҷумҳурии Тотористон либосҳои миллӣ ва ба якчанд варзишгаре, ки дар мусобиқаҳои байналмилалӣ аз номи Тоҷикистон баромад менамоянд, либосҳои ягонаи варзишии Тоҷикистон тақдим гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
