НИШАСТИ МАТБУОТӢ. Дар Тоҷикистон теъдоди ҳолатҳои фавқулода коҳиш ёфтааст
ДУШАНБЕ, 07.02.2024 /АМИТ «Ховар»/. Дар Тоҷикистон соли 2023 теъдоди ҳолатҳои фавқулода нисбат ба соли қаблӣ коҳиш ёфтааст. Дар ин хусус Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода имрӯз зимни нишасти матбуотӣ хабар дод.
Тибқи омор, агар соли 2022 дар Тоҷикистон 697 ҳолати фавқулодаи табиӣ рух дода бошад, соли 2023 ин рақам 557 ҳолатро ташкил дод, ки дар 48 ҳодиса ба аҳолӣ ва иқтисодиёти мамлакат зарар расидааст.
Дар натиҷаи 12 офати табиӣ 51 нафар ба ҳалокат расидаанд, ки нисбат ба соли 2022 43 нафар зиёд мебошад.
«Соли 2023 аз ҷониби Кумита 335 ҳодисаи фаромадани тарма, 79 сел, 47 заминларза, 26 резиши санг, 22 ярч, 17 ҳодисаи боло рафтани сатҳи об ва дигар ҳодисаҳои табиӣ сабт шудааст», — гуфт Рустам Назарзода.
София ШОИК,
АМИТ «Ховар»
АКС: АМИТ «Ховар»
Имрӯз дар шаҳри Душанбе борони кӯтоҳмуддат меборад
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
