НИШАСТИ МАТБУОТӢ. Соли 2023 варзишгарони Тоҷикистон барои дастовард сазовори беш аз 700 медал шуданд
ДУШАНБЕ, 12.02.2024. /АМИТ «Ховар»/. Соли 2023 варзишгарони тоҷик дар мусобиқаҳои байналмилалӣ фаъолона иштирок намуда, ба хазинаи варзишии мамлакат беш аз 700 медал ворид намуданд. Чунин иброз намуд Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода имрӯз зимни нишасти матбуотӣ.
«Ба мамлакат аз ин мусобиқаҳои олимпӣ ва ғайриолимпии аз ҷониби Шурои олимпии Осиё эътирофшуда 343 медал, аз ҷумла 108 тилло, 76 нуқра ва 159 биринҷӣ ва аз намуди дигари ғайриолимпӣ 358 медал ворид шуд, ки 95 медал тилло, 112 адад нуқра ва 151 медал биринҷӣ мебошад», — изҳор дошт Раиси Кумитаи кор бо ҷавонон ва варзиш.
Аз шумораи умумии медалҳои ба дастовардаи варзишгарони мамлакат 2 медали тилло, 1 нуқра ва 4 биринҷӣ аз Бозиҳои Осиёӣ, 1 медали тилло, 3 нуқра ва 9 биринҷӣ аз Бозиҳои Иттиҳоди Давлатҳои Мустақил, 47 медали тилло, 46 нуқра ва 72 биринҷӣ аз чемпионатҳои ҷаҳон, 24 медали тилло, 33 нуқра, 54 биринҷӣ аз чемпионатҳои Осиё, 16 медали тилло, 14 нуқра, 19 биринҷӣ аз ҷоми Ҷаҳон, 12 медали тилло, 12 нуқра ва 5 биринҷӣ аз мусобиқаҳои байналмилалии Гранд-Слам, Гранд-При, Мастерс ва дигар мусобиқаҳои сатҳи байналмилалӣ мебошанд, ки ин нишондиҳанда нисбат ба соли 2022 153 медал зиёд мебошад.
Ҳамзамон гуфта шуд, ки дар мусобиқаҳои сатҳи байналмилалӣ бо шарофати дастоварди варзишгаронамон 701 маротиба Парчами давлатии Ҷумҳурии Тоҷикистон баланд бардошта шуда, 203 маротиба Суруди миллӣ ба хотири дастоварди онҳо дар мусобиқаҳои сатҳи байналмилалӣ садо додааст.
Зарангези ЛАТИФ,
АМИТ «Ховар»
АКС: АМИТ «Ховар»
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
ФЕСТИВАЛИ БОЗИҲОИ МИЛЛИИ ВАРЗИШӢ. Дар он зиёда аз 50 намуд бозиҳои миллӣ намоиш дода мешаванд
