Ҳайати Шурои директорони Бонки ҷаҳонӣ бо Маркази саломатии деҳоти Дубедаи ноҳияи Файзобод шинос шуд
ДУШАНБЕ, 09.03.2024 /АМИТ «Ховар»/. Ҳайати Шурои директорони Бонки ҷаҳонӣ бо Маркази саломатии деҳоти Дубедаи ноҳияи Файзобод, ки дар доираи Лоиҳаи «Беҳтар намудани хизматрасонии тиббӣ» дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон сохта шудааст, шинос шуд, хабар медиҳад АМИТ «Ховар» бо истинод ба ин вазорат.
Меҳмононро муовини Сарвазири Ҷумҳурии Тоҷикистон Усмоналӣ Усмонзода, муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, иҷрокунандаи Раиси ноҳияи Файзобод Мансур Каримзода ҳамроҳӣ намуданд.
Дар доираи татбиқи Лоиҳаи «Беҳтар намудани хизматрасонии тиббӣ» бо мақсади беҳтар намудани инфрасохтори кумаки аввалини тиббию санитарӣ дар ноҳияи Файзобод ду маркази саломатии деҳот- «Дубеда» ва «Орифон» сохта, ба истифода дода шуд ва ҳарду муассиса бо таҷҳизот ва мебели тиббӣ пурра таҷҳиз гардид.
Татбиқи Лоиҳаи «Беҳтар намудани хизматрасонии тиббӣ» бо дастгирии Ҳукумати Ҷумҳурии Тоҷикистон ва Бонки ҷаҳонӣ дар ноҳияи Файзобод дар доираи маблағгузории иловагии якум соли 2016 оғоз ёфта, ба баланд бардоштани сифат ва дастрасии хизматрасонии тиббӣ дар ноҳияҳои таҷрибавии ҷумҳурӣ равона шудааст.
Яке аз қисматҳои асосии лоиҳа вориднамоии механизми маблағгузории муассисаҳои кумаки аввалини тиббию санитарӣ аз рӯи натиҷаҳои фаъолият буда, пардохтҳои ҳавасмандкуниро барои муассисаҳои тиббии таҷрибавӣ пешбинӣ менамояд.
Ҳамчунин дар ин рӯз меҳмонон бо Муассисаи давлатии «Маркази ҷумҳуриявии барқарорсозии солимии кӯдакон» низ шинос шуданд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Изҳороти Шурои сиёсии Ҳизби демократи Тоҷикистон
Дар шаҳрҳои Исфара ва Конибодом ба иштирокчиёни ҷанги солҳои 1941-1945 кумакпулии яквақта расонида шуд
Имрӯз дар Тоҷикистон ҳавои камабри бебориш пешгӯӣ мешавад
11 май Анҷумани ғайринавбатии Ҳизби демократии Тоҷикистон баргузор мегардад
Кормандони Саридораи ҳифзи сирри давлатӣ бо медалҳои ҷашнӣ сарфароз шуданд
НОМ ДАР ХАРИТА. Чӣ тавр дар Тоҷикистон «устодони алоқа»-ро қадрдонӣ менамоянд
«РАДИО МАКТАБИ БУЗУРГ АСТ…». Имрӯз Рӯзи ҷаҳонии ихтирои радио ва кормандони соҳаи алоқа мебошад
Имрӯз дар Тоҷикистон ҳаво то 30 дараҷа гарм мешавад
Дар ноҳияи Восеъ 19 ҳазору 540 нафақагир сабти ном шудаанд
Масоили марбут ба ташкили давраи омӯзишӣ дар бахши фанновариҳои иттилоотӣ ва иртиботӣ баррасӣ шуд
Теъдоди ҳалокшудагони обхезӣ дар Бразилия аз 70 нафар гузашт
Дар шаҳри Душанбе шабакаи байналмилалии беморхонаҳо «ACIBADEM» ифтитоҳ гардид
