Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар таҷлил гардид
ДУШАНБЕ, 04.03.2024 /АМИТ «Ховар»/. Бахшида ба Рӯзи Модар, ки ҳамасола дар Тоҷикистон 8 март таҷлил мегардад, дар Донишгоҳи байналмилалии сайёҳӣ ва соҳибкории Тоҷикистон ҷамъомади тантанавӣ баргузор гардид, ки дар он намояндагони вазорату идораҳои давлатӣ, омӯзгорони филиалу коллеҷҳо ва литсейҳои донишгоҳ, омӯзгорони филиалу коллеҷҳо ва литсейҳои донишгоҳ дар вилоятҳои Хатлону Суғд, хабарнигорон, занону духтароне, ки дар бахшҳои гуногун ва вазифаҳои пурмасъулият фаъолият доранд, иштирок намуданд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Зимни ҷамъомади тантанавӣ ректори донишгоҳ Убайдулло Асрорзода иброз намуд, ки Асосгузори сулҳу ваҳдати миллӣ-Пешвои миллат,
Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон иброз намуданд, ки «мо дар даврони соҳибистиқлолӣ мақоми занонро дар ҷомеа марҳала ба марҳала баланд бардошта, барои онҳо шароити муносиби фаъолият фароҳам овардем».
Воқеан, Пешвои миллат муҳтарам Эмомалӣ Раҳмон ба неруи созандаи занон-модарони мамлакат боварии комил доранд ва мақому манзалати онҳоро дар раванди идоракунии давлатӣ сол то сол баланд мебардоранд, зеро нақши занону духтарон дар пойдории сулҳу субот, ҳифзи арзишҳои милливу фарҳангӣ, дар ниҳоди фарзандон тарбия намудани ҳисси ватандӯстӣ, ифтихори миллӣ, инсондӯстиву масъулиятшиносӣ, инчунин пешгирии омилҳои номатлуби иҷтимоӣ хеле баланд мебошад.


Пешвои миллат бо такя ба модарони заҳматқарини мамлакат зимни яке аз суханрониҳояшон ба ифтихори Рӯзи Модар иброз намуда буданд, ки «ман ба неруи ақлонию зеҳнии занону модарони давлатамон такя месозам, чунки пешрафту шукуфоӣ ва ояндаи ҳамин миллати тамаддунсоз, сарзамини биҳиштосо, фарҳангу арзишҳои миллӣ ва ояндаи наслҳои имрӯзу ояндаи миллат ба занону модарон вобаста аст».
Таъкид гардид, ки дар раванди татбиқи амалии сиёсати Ҳукумати мамлакат дар самти дастгирии занону духтарон раёсати Донишгоҳи байналмилалии сайёҳӣ ва соҳибкории Тоҷикистон, ки айни замон дар ин муассисаи таълимӣ беш аз 300 нафар занону духтарон фаъолият менамоянд, ба баланд бардоштани шароити иҷтимоии онҳо таваҷҷуҳи аввалиндараҷа равона месозад. Кӯшиш ба харҷ дода мешавад, ки тамоми имконоту захираҳои мавҷудаи донишгоҳ бобати муҳайё сохтани шароити мусоиди фаъолияти занон истифода шавад.
Иброз гардид, ки занону духтарони донишгоҳ тамоми саъю кӯшишашонро ба таълиму тарбияи дурусти ҷавонон ва омодасозии мутахассисони баландихтисос равона менамоянд.
Дар анҷоми ҷамъомади тантанавӣ ба омӯзгорону донишҷӯдухтарони фаъоли донишгоҳ Ифтихорнома, Сипоснома ва мукофотпулиҳо тақдим гардид.
АКС: Донишгоҳи байналмилалии сайёҳӣ ва соҳибкории Тоҷикистон











Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд






