Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
ДУШАНБЕ, 29.03.2024 /АМИТ «Ховар»/. Амалӣ намудани ҳамкорӣ байни Донишгоҳи миллии таҳқиқотии «Институти муҳандисони обёрӣ ва механизатсияи кишоварзии Тошканд» бо Донишгоҳи аграрии Тоҷикистон ба номи Шириншоҳ Шотемур ва Донишгоҳи техникии Тоҷикистон ба номи академик М.С. Осимӣ зимни мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода бо муовини Ректор оид ба масъалаҳои ҳамкории байналмилалии ин донишгоҳ А. Салоҳиддинов дар Тошканд баррасӣ гардид.
АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад, ки мусоҳибон ҳамзамон доир ба масъалаҳои марбут ба густариши ҳамкорӣ байни муассисаҳои таҳсилоти олии касбии Тоҷикистон ва Узбекистон дар соҳаҳои гидроэнергетика, обёрӣ, мелиоратсия, техникаи инноватсионӣ ва технология дар соҳаи кишоварзӣ, технологияҳои обёрии каммасраф, манбаъҳои барқароршавандаи энергия, геодезия ва геоинформатика, экология ва ҳифзи муҳити зист ибрози назар намуданд.
Инчунин дар мулоқот гузаронидани таҳқиқоти илмӣ, ташкили конфронсҳои байналмилалии илмӣ ва табодули донишҷӯён муҳокима шуд.
АКС: Сафорати Ҷумҳурии Тоҷикистон дар Ҷумҳурии Узбекистон
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
