Густариши ҳамкории Тоҷикистон ва Литва дар бахши транзитию нақлиётӣ ва ҳамлу нақли байналмилалӣ баррасӣ шуд
ДУШАНБЕ, 14.03.2024 /АМИТ «Ховар»/. Дурнамои рушди ҳамкории Тоҷикистон ва Литва дар соҳаи нақлиёт имрӯз дар мулоқоти Вазири нақлиёти Ҷумҳурии Тоҷикистон Азим Иброҳим бо Сафири Фавқулода ва Мухтори Ҷумҳурии Литва дар Ҷумҳури Тоҷикистон бо қароргоҳ дар шаҳри Остонаи Қазоқистон Эгидиус Невикас баррасӣ гардид.
АМИТ «Ховар» бо истинод ба Вазорати нақлиёти мамлакат иттилоъ медиҳад, ки дар ҷараёни мулоқот ҷонибҳо дар бораи вазъи кунунӣ ва имконияти густариши ҳамкории минбаъдаи Тоҷикистон ва Литва, аз ҷумла дар бахши транзитию нақлиётӣ ва ҳамлу нақли байналмилалӣ мубодилаи афкор намуданд.
Муносибатҳои дипломатӣ байни Ҷумҳурии Тоҷикистон ва Ҷумҳурии Литва 13 августи соли 1992 барқарор гардида, Литва яке аз шарикони асосии тиҷоративу иқтисодии Тоҷикистон дар байни давлатҳои Аврупо мебошад.
Ҳаҷми гардиши савдои хориҷии Ҷумҳурии Тоҷикистон бо Ҷумҳурии Литва танҳо дар моҳҳои январ-ноябри соли 2023 18759,4 ҳазор доллари амрикоиро ташкил дод, ки аз он 88,3 ҳазор доллар ба содирот ва 18671,1 ҳазор доллар ба воридот рост меояд. Асоси шартномавӣ-ҳуқуқии ҳамкории дуҷониба дар марҳилаи ташаккулёбӣ қарор дошта, имрӯз он аз 5 ҳуҷҷат иборат аст.
АКС: Вазорати нақлиёти Ҷумҳурии Тоҷикистон
Соли 2027 дар Душанбе ҷаласаи 49-уми Шурои байнидавлатӣ оид ба геодезия, харитасозӣ, кадастр ва мушоҳидаи фосилавии Замин доир мегардад
27 СЕНТЯБР — РӮЗИ ҶАҲОНИИ САЙЁҲӢ. Дар Тоҷикистон барои рушди сайёҳии дохилию байналмилалӣ тадбирҳои муассир андешида мешаванд
Пахтакорони ноҳияи Мастчоҳ азм доранд 25 ҳазор тонна пахта ҷамъоварӣ намоянд
РУШДИ СОҲАИ САЙЁҲӢ. Хостел ва мотел аз ҳамдигар чӣ фарқ доранд?
Дар Нуробод бо иштироки муовини Сарвазир оид ба пешгирии истифодаи ғайриқонунии неруи барқ ҷаласа баргузор шуд
Ҳамкории Тоҷикистон бо Британияи Кабир дар соҳаи саноат баррасӣ гардид
Роҳбарияти «Амонатбонк» дар Шанхай дар саммити байналмилалии «Huawei Connect 2026» иштирок намуд
РОҲИ БЕҲТАР ВА БЕХАТАР. Сокинони Вилояти Мухтори Кӯҳистони Бадахшон дар муддати 8-10 соат то шаҳри Душанбе мерасанд
Дар вилояти Суғд нақшаи ҷамъоварии пахта беш аз 140 ҳазор тонна пешбинӣ шудааст
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
