Намояндагони Тоҷикистон дар Форуми тиҷоратии 5+1 дар Алмато иштирок менамоянд
ДУШАНБЕ, 13.03.2024 /АМИТ «Ховар»/. 14-15 март дар Алмато Форуми тиҷоратии 5+1 (B5+1) баргузор мегардад, ки дар он намояндагони ҳукумат ва соҳибкорони Иёлоти Муттаҳидаи Амрико ва давлатҳои Осиёи Марказӣ – Қазоқистон, Тоҷикистон, Қирғизистон, Узбекистон ва Туркманистон иштирок менамоянд.
Дар форум иштирок ва суханронии намояндагон аз Ҷумҳурии Тоҷикистон дар назар дошта шудааст.
Форум минбари баррасии масъалаҳои муҳими иқтисодӣ ва пешниҳоди қадамҳои мушаххас барои ҳалли онҳо гардида, ҳамчун оғози расмии платформаи В5+1, ки он моҳи сентябри соли 2023 дар нишасти сарони давлатҳо дар Ню Йорк пешниҳод шуда буд, хизмат менамояд. Давоми ду рӯзи форум доираҳои тиҷоратӣ назарашонро оид ба ояндаи иқтисодии Осиёи Марказӣ ҳамчун бозори ягонаи минтақавӣ изҳор менамоянд.
Дар назар аст, ки форуми B5+1 таваҷҷуҳи ҷомеаи тиҷоратии байналмилалиро ҷалб намуда, ба ташкили муносибатҳои шарикии давлатҳои Осиёи Марказӣ ва Иёлоти Муттаҳидаи Амрико бо мақсади шукуфоии муштараки иқтисодӣ мусоидат намояд.
АКС аз манбаъҳои боз
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
