Наврӯз ҳамчун ҷашни эҳёи табиат истифодаи оқилонаи заминро талқин менамояд
ДУШАНБЕ, 27.03.2024 /АМИТ «Ховар»/. Дар Кумитаи давлатии идораи замин ва геодезии Ҷумҳурии Тоҷикистон ҷашни Наврӯз таҷлил карда шуд, хабар медиҳад АМИТ «Ховар» бо инстинод ба ин кумита.
Дастурхони идона ороёфта маҳсули дасти коргарзанони ин кумита ва ифодагари суннатҳои наврӯзӣ буд. Иброз гардид, ки анъанаи бо ҳафтшину ҳафтсин оро додани дастурхони наврӯзӣ таърихи дерина дошта, то замони мо омада расидааст.
Раиси Кумитаи давлатии идораи замин ва геодезӣ Ориф Хоҷазода зимни ҷамъомад иброз намуд, ки Наврӯз яке аз ҷашнҳои бостонии миллати тоҷик буда, чун оғози тозаи зиндагӣ бо шукуҳу шаҳомати хосса таҷлил мегардад.
«Яке аз суннатҳои наврӯзӣ бахшиши гуноҳҳо, аёдати пирону барҷомондагон, дасти кумак дароз намудан ба ятимону бенавоён ва бепарасторон буда, махсусан баъди мулоқоти Президенти Ҷумҳурии Тоҷикистон муҳтарам Эмомалӣ Раҳмон бо фаъолон, намояндагони ҷомеа ва ходимони дини ҷумҳурӣ чунин амалҳои неку созанда, аз ҷумла дар доираи таҷлили Наврӯз бояд бештар гардад. Мо аз худнамоишдиҳию хурофотпарастӣ ва тарғиби либосу фарҳанги бегона худдорӣ намуда, қонун «Дар бораи танзими анъана ва ҷашну маросим дар Ҷумҳурии Тоҷикистон»-ро бояд ба таври ҳатмӣ риоя намоем»,- афзуд Ориф Хоҷазода.
Гуфта шуд, ки Наврӯз ҳамчун ҷашни эҳёи табиат покизагии муҳити зисту истифодаи оқилонаи заминро талқин менамояд. Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии ҷумҳурӣ изҳор намуда буданд, ки «мо бояд барои наслҳои оянда ниҳол шинонем, боғ бунёд намоем, Ватанамонро пешрафта гардонем ва ба фарзандону набераҳоямон як мулки обод мерос гузорем».
Ориф Хоҷазода изҳор дошт, ки моро мебояд анъанаҳоеро, ки ниёгонамон вобаста ба фарорасии баҳор ва оғози мавсими киштукор иҷро менамуданд, сарбаландона идома дода, ба кори ҳаррӯза табдил диҳем.
Наврӯз иди некиву покизагӣ буда, ба ҳар хонадон файзу баракат меорад. Ин аст, ки ҳамаи мову шумо муждаи эҳёи табиат, бедории замин ва коштани нахустин донаҳои умедро бесаброна мунтазир мешавем.
АКС: Кумитаи давлатии идораи замин ва геодезии Ҷумҳурии Тоҷикистон
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
