Осиф Алӣ Зардорӣ дубора Президенти Покистон интихоб гардид
ДУШАНБЕ, 11.03.2024 /АМИТ «Ховар»/. Осиф Алӣ Зардорӣ аз нав Президенти Покистон интихоб шуд. Тавре АМИТ «Ховар» иттилоъ медиҳад, дар ин хусус АЗЕРТАҶ бо истинод ба расонаҳои Покистон хабар дод.
Осиф Алӣ Зардорӣ аз эътилофе, ки сарвазири Покистон Шаҳбоз Шариф роҳбарӣ менамояд, номзад буд.
Ӯ дар интихоботи ду палатаи парлумони Покистон ва маҷлисҳои қонунгузори чаҳор вилоят бо 411 овоз интихоб шуд. Рақиби ӯ Маҳмудхон Ачакзай, ки аз ҷониби тарафдорони сарвазири собиқ Имрон Хон пуштибонӣ мешуд, ҳамагӣ 181 овоз ба даст овард.
10 март Осиф Алӣ Зардорӣ дар Кохи президент ҳамчун 14-умин Президенти Покистон савганд ёд намуд.
Ёдовар мешавем, ки Осиф Алӣ Зардорӣ солҳои 2008-2013 Президенти Покистон буд. Ӯ бо марҳум Беназир Бҳутто, ки солҳои 1988-1990 ва 1993-1996 сарвазири Покистон буд, издивоҷ намуда буд.
АКС аз манбаъҳои боз
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
