САҲМИ МАН-ДАР ОБОДОНИИ ШАҲРИ МАН. Дар сойи Тебалайи Кӯлоб ҳашари тозакорӣ гузаронида шуд
КӮЛОБ, 19.03.2024 /АМИТ «Ховар»/. Бахшида ба ҷашни Наврӯзи байналмилалӣ барои тоза намудани сойи Тебалай бо иштироки кормандони ташкилоту муассисаҳои шаҳри Кӯлоб ҳашари «Саҳми ман — дар ободонии шаҳри ман» гузаронида шуда, партовҳо аз сойи мазкур бароварда шуданд. Дар ин хусус хабарнигори минтақавии АМИТ «Ховар» Сулаймон Холзода хабар медиҳад.
Новобаста аз ташкил намудани ҳашарҳои тозагӣ, мутаассифона, аз ҷониби аҳолӣ нисбат ба ин масъала беэътиноӣ зоҳир мегардад. Аз ҷониби ташкилоту муассисаҳо ва сокинон новобаста ба он ки дар ҷойҳои муайян қуттиҳои партов гузошта шудаанд, боз ҳам партовҳо ба сойи Тебалай партофта мешаванд.
Аз ин лиҳоз Мақомоти иҷроияи ҳокимияти давлатии шаҳри Кӯлоб аз ҳар шаҳрванд, алалхусус аҳолии назди сойи Тебалай хоҳиш менамояд, ки ба чунин амалҳо хотима бахшанд, зеро ҳамагон бояд тозагиро риоя намуда, дар фикри саломатии худ, фарзандон ва ҷомеа бошанд.
Мо танҳо дар якҷоягӣ метавонем сойи Тебалайро аз партовгоҳ шудан наҷот диҳем.
АКС: АМИТ «Ховар»
Имрӯз дар Тоҷикистон чангу ғубор ба амал меояд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
