«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад

Март 2, 2024 09:14

ДУШАНБЕ, 02.03.2024 /АМИТ «Ховар»/. Имрӯз мусобиқаи навбатии  «Сайри ҷаҳонии ҷудо» – «Tashkent Grand Slam 2024» дар Ҷумҳурии Узбекистон идома меёбад. Дастаи мунтахаби Тоҷикистон оид ба ҷудо дар ин мусобиқа дар ҳайати 14 нафар иштирок дорад, хабар медиҳад АМИТ «Ховар».

Дар рӯзи якуми мусобиқа узви дастаи мунтахаби Тоҷикистон оид ба ҷудо Эмомалӣ Нуралӣ сазовори ҷойи якум ва медали тилло гардид.

Барои баромадан ба финал Эмомалӣ Нуралӣ бар Мартин Сетс аз Олмон, Уиллис Гарсиа аз Венесуэла, Кубаничбек Айбек уулу аз Қирғизистон ва Яго Абуладзе аз дастаи варзишгарони фардии бетараф пирӯз шуд. Дар финал ӯ ҷудочии исроилӣ Барух Шмаиловро мағлуб намуд.

Президенти Федератсияи ҷудои Тоҷикистон Исмоил Маҳмадзоир низ дар мусобиқаи «Tashkent Grand Slam 2024» ба ҳайси меҳмони фахрӣ иштирок дорад.
Аз рӯйи натиҷаи рӯзи якуми мусобиқа Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад.

Ёдовар мешавем, ки ба ҳайати дастаи мунтахаби Тоҷикистон Шукрона Қарчиева (-48кг), Аҳлия Муъминова (-52кг), Фазилат Гулбоева (-57кг), Мавлуда Одинаева (-63кг) байни духтарон ва  Меҳрзод Суфиев, Ҳақдод Гулов (-60кг), Эмомалӣ Нуралӣ (-66кг), Маҳмадшариф Наҷмуддинов (-73кг), Сайфиддин Сайфиддинзода, Сунатулло Мусоев (-81кг), Комроншоҳ Устопириён,  Акмал Муродов (-90кг), Ҷаҳонгир Маҷидов (-100кг), Мансур Раҳмон ва  Шакармаҳмад Мирмамадов (+100кг) байни мардон дохил мебошанд.


Рӯзи якуми мусобиқа барои Шукрона Қарчиева (-48кг), Аҳлия Муъминова (-52кг), Фазилат Гулбоева (-57кг), Муҳаммадсолеҳ Қувватов (60 кг) ва Ҳақдод Гулов (60 кг) бе натиҷа анҷом ёфт.

Дар рӯзи дуюм Мавлуда Одинаева (-63кг) байни, Маҳмадшариф Наҷмуддинов (-73кг), Сайфиддин Сайфиддинзода ва Сунатулло Мусоев (-81кг) рақобатро идома медиҳанд.

АКС: Федератсияи ҷудои Тоҷикистон

Март 2, 2024 09:14

Хабарҳои дигари ин бахш

ҶУДО. Чемпионати ҷаҳон-2024 дар Абузабӣ баргузор мешавад
ҶОМИ ОСИЁ-2024. Дастаи мунтахаби олимпии Тоҷикистон (U-23) оид ба футбол бо дастаҳои Арабистони Саудӣ, Ироқ ва Тайиланд бозӣ менамояд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони вилояти Суғд машварати корӣ доир намуданд
Пешвои миллат Эмомалӣ Раҳмон дар шаҳри Истаравшан ба ятимон туҳфаҳо тақдим намуданд
Дар Душанбе мусобиқаи байналмилалии Гран – Слам оид ба гӯштини ҷудо баргузор мегардад
Дар Данғара мусобиқаи кушоди анъанавии ҷумҳуриявӣ оид ба гӯштини миллӣ баргузор мегардад
ФУТБОЛ. Дастаи олимпии Тоҷикистон (U-23) рӯзи сеюми тамринҳоро дар Давҳа ба анҷом расонид
ҶОМИ ОСИЁ-2024. Дар Федератсияи футболи Тоҷикистон вохӯрӣ доир гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
Эмомалӣ Раҳмон: Хизмат ба Ватан, яъне хизмати ҳарбӣ, мактаби ҷавонмардӣ ва давраи ҳаматарафа обутоб ёфтани ҷавонон мебошад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/