ТОҶИКИСТОН, БА ПЕШ! Дар намоишгоҳи «ITB BERLIN-2024» иқтидори сайёҳии Тоҷикистон муаррифӣ шуд
ДУШАНБЕ, 06.03.2024 /АМИТ «Ховар»/. Дар шаҳри Берлини Ҷумҳурии Федеративии Олмон Намоишгоҳи байналмилалии сайёҳӣ ва тиҷоратии «ITB Berlin-2024» баргузор гардид, ки дар он 175 ҳазор нафар аз 187 давлати ҷаҳон иштирок намуданд.
АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон иттилоъ медиҳад, ки дар ин намоишгоҳи сатҳи ҷаҳонӣ, ки бо номи «Биржаи байналмилалии сайёҳии Берлин» шинохта мешавад, ҳайати Ҷумҳурии Тоҷикистон- намояндагони вазорату идораҳои давлатӣ, Дастгоҳи иҷроияи Президенти Ҷумҳурии Тоҷикистон, Донишгоҳи байналмилалии сайёҳӣ ва соҳибкории Тоҷикистон, Сафорати Ҷумҳурии Тоҷикистон дар Олмон, роҳбарону кормандони субъектҳои хизматрасони соҳаи сайёҳӣ, аз ҷумла ҶСК ширкати ҳавопаймоии «Сомон Эйр» ва ширкатҳои сайёҳии ватанӣ таҳти роҳбарии муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Рустам Холматиён иштирок намуданд.
Соли 2024 Кумитаи рушди сайёҳӣ бо дастгирии Ҳукумати мамлакат гӯшаи ҷолиби сайёҳии Тоҷикистонро дар «ITB Berlin-2024» дар масоҳати 64 метри мураббаъ ташкил намуд ва аввалин нафаре, ки ба ҳайси меҳмони ифтихорӣ аз ин гӯша дидан намуд, собиқ мураббии овозадори дастаи мунтахаби футболи Тоҷикистон Петр Сегрт буд, ки номбурда тамошои павилони сайёҳии Тоҷикистонро дидори мардум ва шикастани хумори сарзамини беназири Тоҷикистон арзёбӣ намуд.
Намоишгоҳи байналмилалии сайёҳӣ ва тиҷоратии «ITB Berlin-2024» дар маҷмааи Мессе Берлин то 7 март идома ёфта, 20 нафар роҳбарону кормандони субъектҳои хизматрасонии соҳаи сайёҳии Тоҷикистон бо истифода аз фурсати муносиб дар ин бозори ҷаҳонии сайёҳӣ иқтидори фаровони сайёҳии Тоҷикистонро ба дӯстдорон ва алоқамандони сайру саёҳат муаррифӣ менамоянд.
Мавриди ёдоварӣ аст, ки Ҷумҳурии Тоҷикистон аз соли 2008 ҳамасола дар намоишгоҳи бонуфузи байналмилалии «ITB Berlin» фаъолона иштирок намуда, имконияти сайёҳии Тоҷикистонро пешниҳоди сайёҳон ва ҷаҳонгардон менамояд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Суғд Форуми байналмилалии «Рақамикунонии минтақаҳои озоди иқтисодӣ дар шароити кишварҳои Авруосиёӣ» баргузор мегардад
Деҳқонони хоҷагии «Ёрмуҳаммад»-и ноҳияи Кӯшониён бозори дохилиро бо маҳсулоти барвақтӣ таъмин менамоянд
РУШДИ САНОАТ. Дар Тоҷикистон ҳаҷми истеҳсоли маҳсулоти саноатӣ ба 16 миллиард сомонӣ расид
Бахшида ба Рӯзи байналмилалии моликияти зеҳнӣ ҳамоиш доир шуд
Дар доираи RES-2026 ҳамкории иқлимии кишварҳои Осиёи Марказӣ тақвият меёбад
Вилоятҳои Суғди Тоҷикистон ва Мински Беларус ҳамкории иқтисодию тиҷоратиро густариш медиҳанд
Дар АМИТ «Ховар» доир ба масъалаи муқовимат ба коррупсия вохӯрӣ баргузор гардид
Дар Тоҷикистон беш аз ҳазор гармхонаи доимамалкунанда фаъолият менамоянд
Дар ноҳияи Айнӣ майдони кишти картошка зиёд карда мешавад
Дар Тоҷикистон то соли 2040 беш аз 2 миллиард дарахт шинонида мешавад
Се ташкилоти қарзии молиявии Тоҷикистон аз рӯйхати таҳримҳо хориҷ карда шуд
Дар Душанбе Маркази минтақавии омӯзиш ва мониторинги пиряхҳо ва криосфераи Осиёи Марказӣ таъсис меёбад
