Ҷамоати деҳоти Ҳаёти Нави ноҳияи Ҷаббор Расулов дар рӯзи аввал нақшаи даъвати баҳориро пурра иҷро намуд
ДУШАНБЕ, 01.04.2024 /АМИТ «Ховар»/. Имрӯз дар ноҳияи Ҷаббор Расулови вилояти Суғд бахшида ба оғози мавсими даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон Рӯзи даъватшаванда доир гардид. Дар ин хусус АМИТ «Ховар» бо истинод ба мақомоти иҷроияи ҳокимияти давлатии ин ноҳия хабар медиҳад.
Зимни он гуфта шуд, ки Ҷамоати деҳоти Ҳаёти Нави ноҳияи Ҷаббор Расулов аз аввалинҳо шуда, дар рӯзи якум нақшаи даъвати баҳориро 100 % иҷро намуд.
Таъкид гардид, ки имсол дар даъвати баҳорӣ шумораи ҷавонони далеру шуҷоъ, ки бо амри дилу виҷдон барои адо намудани қарзи шаҳрвандӣ ба сафи Қувваҳои Мусаллаҳ ҳамроҳ мешаванд, зиёд гардидааст. Иштирокдорон аз масъулиятшиносӣ, ташаббуси ватандӯстона, ҳувияти баланди миллӣ ва матонату ҷавонмардии ҷавонони ба хизмати Ватан ҳозиршуда ёдовар шуда, ба волидайни онҳо барои тарбияи ҷавонписарони боғайрату баномус изҳори сипос намуданд.
Иброз гардид, ки ҷавонон бояд ҳамеша дӯстдори Ватану сарзамини биҳиштосояшон бошанд, ҳеҷ гоҳ зиракию ҳушёрии сиёсиро аз даст надиҳанд, худшиносу худогоҳ бошанд. Зеро танҳо андешаи солим, дӯст доштани Ватану миллат ва ҳар зарра хоки Тоҷикистон ҷавононро ба мақсад мерасонад.
Дар идомаи ҳамоиш ба даъватшавандаҳое, ки ба таври ройгон дар даврҳои Ташкилоти мададгори мудофиа таҳсил намудаанд, шаҳодатномаҳои ронандагӣ тақдим шуд.
Сипас барномаи рангини кансертӣ, ки фарогири суруду таронаҳои ватандӯстона буд, манзури иштирокчиён гардид.
АКС: Мақомоти иҷроияи ҳокимияти давлатии ноҳияи Ҷаббор Расулов
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
