Байни Вазорати корҳои дохилии Тоҷикистон ва Вазорати амнияти ҷамъиятии Чин Ёддошти тафоҳум ба имзо расид
ДУШАНБЕ, 06.04.2024. /АМИТ «Ховар»/. Байни Вазорати корҳои дохилии Ҷумҳурии Тоҷикистон ва Вазорати амнияти ҷамъиятии Ҷумҳурии Мардумии Чин Ёддошти тафоҳум ба имзо расид, иттилоъ медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Ёддошти тафоҳум зимни ҷаласаи навбатии гурӯҳи кории Вазорати корҳои дохилии Ҷумҳурии Тоҷикистон ва Вазорати амнияти ҷамъиятии Ҷумҳурии Мардумии Чин имзо гардид.
Вазири корҳои дохилии Ҷумҳурии Тоҷикистон Рамазон Раҳимзода ва узви Шӯрои давлатӣ, Вазири амнияти ҷамъиятии Ҷумҳурии Мардумии Чин Ван Сяохун аз ҳамкории дуҷонибаи судманд изҳори қаноатмандӣ намуданд.
Дар рафти ҷаласа ҷонибҳо оид ба ошкору пешгирии ҷиноятҳои муташаккили фаромиллӣ, аз қабили терроризм, экстремизм, сепаратизм, мубодилаи иттилоот, пешгирӣ намудани роҳҳои интиқоли маводи нашъадор, ҷиноятҳои киберӣ, таъмини амнияти минтақавӣ, омода намудани кадрҳои баландихтисоси соҳа, инчунин мавриди омӯзиш қарор додани таҷҳизоти муосир ва тақвият бахшидан ба ҳамкории зичи мақомоти корҳои дохилии ҳарду давлат табодули афкор намуданд.
Ҷонибҳо изҳори боварӣ карданд, ки ба имзо расидани Ёддошти тафоҳум ҷиҳати боз ҳам мустаҳкам намудани ҳамкорӣ дар соҳаи таъмини амният ва рушди муносибатҳои дуҷониба мусоидат менамояд.
АКС: Вазорати корҳои дохилии Ҷумҳурии Тоҷикистон
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
