Британияи Кабир фурӯши телефонҳои мобилиро ба кӯдакон ва наврасони то 16-сола манъ менамояд

Апрель 12, 2024 15:25

ДУШАНБЕ, 12.04.2024 /АМИТ «Ховар»/. Ҳукумати Британияи Кабир барои ҳифзи ҷавонони британиягӣ аз телефонҳои мобилӣ баъд аз интишори тавсияҳо оид ба истифодаи онҳо, ки  ду моҳ қабл барои мактабҳои Британия қабул гардида буд, тадбирҳои  иловагӣ меандешад. Аз ҷумла, ин тавсияҳо манъи фурӯши телефонҳои мобилиро ба кӯдакони то 16-сола пешбинӣ  менамоянд.

Тавре АЗЕРТАҶ бо истинод ба рӯзномаи машҳури британиягии The Guardian иттилоъ медиҳад, назарсанҷии моҳи март аз ҷониби Parentkind дар байни 2496 волидони кӯдакони синни мактабӣ дар Англия гузаронида нишон дод, ки 58 дарсади онҳо ақида доранд, ки ҳукумат бояд смартфонҳоро барои кӯдакони то 16 — сола манъ кунад. Ғайр аз ин, зиёда аз 80% волидон иброз намуданд, ки смартфонҳо барои кӯдакон ва ҷавонон зараровар мебошанд.

Таҳқиқоти дигар- More in Common нишон дод, ки 64% пурсидашудагон манъи фурӯши смартфонҳоро ба кӯдакони то 16 — сола «амали хуб» мешуморанд.

Матбуоти Британия инчунин хотиррасон менамояд, ки Риши Сунак аллакай нақшае таҳия кардааст, ки тибқи он насли ояндаро аз харидани сигор манъ мекунанд. Ҳар касе, ки 1 январи соли 2009 ё пас аз ин сана таваллуд шудааст, яъне ҳар касе, ки 14 — сола ё хурдтар мебошад, давоми умр дар Англия ба таври қонунӣ ҳуқуқи сигор харидан надорад. Сарвазири Британия пешниҳод намуд, ки ҳар сол синни хариди сигорро барои англисҳо як сол зиёд кунанд, то он даме ки ин кор байни тамоми аҳолӣ паҳн нашавад, аммо ин ташаббус бояд аз ҷониби парлумони кишвар низ тасдиқ гардад.

АКС аз манбаъҳои боз

 

Апрель 12, 2024 15:25

Хабарҳои дигари ин бахш

Имрӯз бори нахуст Рӯзи ҷаҳонии футбол таҷлил мегардад
Имрӯз дар баъзе ноҳияиҳои алоҳидаи Тоҷикистон борони бошиддат дар назар аст
Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид
Дар Душанбе нишасти матбуотии Сафири Ҷумҳурии Исломии Эрон дар Тоҷикистон баргузор гардид
СИГНАХИ. Шаҳри муҳаббат ва маконе дар Гурҷистон, ки дар он ҳамеша сулҳ пойдор будааст
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар ноҳияи Синои пойтахт даври ноҳиявии озмуни ҷумҳуриявӣ баргузор шуд
Имрӯз дар баъзе ноҳияҳои Тоҷикистон борони бошиддат меборад
ҶАВОНОН-НЕРУИ СОЗАНДАИ ТОҶИКИСТОН. Дар ноҳияи Фархор Рӯзи ҷавононро таҷлил намуданд
«СОЗАНДАГОНИ ВАТАН». Дар Душанбе ҳамоиши ҷумҳуриявии ҷавонон баргузор гардид
РӮЗИ ҶАВОНОНИ ТОҶИКИСТОН. Дар майдони Парчами давлатӣ дар шаҳри Гулистон барномаи идона доир шуд
СОЛИ МАЪРИФАТИ ҲУҚУҚӢ. Дар ноҳияҳои Шаҳритус ва Носири Хусрав доир ба баланд бардоштани сатҳи маърифати ҳуқуқии аҳолӣ вохӯрӣ баргузор гардид