Дар Донишгоҳи давлатии Бохтар конференсияи илмӣ — назариявӣ доир гардид

Апрель 21, 2024 15:00

БОХТАР, 21.04.2024. /АМИТ «Ховар»/. 19 апрел дар Донишгоҳи давлатии Бохтар ба номи Носири Хусрав конференсияи илмӣ — назариявии устодону донишҷӯён бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ва «Рӯзи илми тоҷик» баргузор шуд. Дар ин хусус АМИТ «Ховар» бо истинод ба ин донишгоҳ хабар медиҳад.

Пеш аз оғози конференсия иштирокдорони он бо намоиши дастовардҳои илмию эҷодии ҳайати омӯзгорону донишҷӯёни факултетҳои донишгоҳ шинос шуданд.

Ректори донишгоҳ Маҳмадалӣ Қурбонзода иброз дошт, ки Президенти мамлакат муҳтарам Эмомалӣ Раҳмон ба соҳаи маориф ва илм таваҷҷуҳи хосса зоҳир намуда, ҳамин дастгирию пуштибонии муассисаҳои таълимию илмӣ буд, ки сол аз сол теъдоди шаҳрвандони ба тадқиқотҳои илмӣ машғулбуда меафзояд.

«Муассисаи мо низ дар ин самт саҳмгузор буда, имрӯзҳо олимони донишгоҳро натанҳо дар дохили мамлакат, балки берун аз он мешиносанд, ки ин мояи ифтихор мебошад. Донишгоҳ имрӯзҳо ба як макон ва боргоҳи бузурги таълимию илмӣ табдил ёфтааст, ки дар он тамоми имконот барои таҳсил ва пешбурди корҳои илмӣ муҳайё мебошад. Роҳбарияти донишгоҳ дар навбати худ мутобиқ ба барнома ва Стратегияи донишгоҳ давра ба давра бо хариди таҷҳизоти лозима пояи моддии донишгоҳро тақвият бахда истодааст»,- афзуд Ректори донишгоҳ.

Иттилоъ дода шуд, ки дар донишгоҳ 601 нафар устодони доимӣ, аз ҷумла 18 профессори штатӣ, 7 профессори ҳамкор, 184 нафар номзади илм ва дотсент, 37 нафар саромӯзгор, 362 нафар омӯзгор ва ассистент дар 43 кафедраи донишгоҳ муттаҳид шуда, ба корҳои таълимӣ, илмию таҳқиқотӣ ва илмию методӣ машғул мебошанд.

Гуфта шуд, ки корҳои илмию таҳқиқотӣ дар донишгоҳ аз рӯйи 70 равия ҷараён гирифта, зиёда аз 139 мавзуъро дарбар мегирад. Олимону устодони донишгоҳ натиҷаи фаъолияти илмии худро дар соли 2023 ва се моҳи соли 2024 дар 1985 номгӯйи кор, аз ҷумла 132 номгӯйи рисола, 33 монография, 12 китоби дарсӣ, 134 дастури методию васоити таълимӣ, 65 барномаҳои фанни таълимӣ, 1609 номгӯйи мақолаҳо ҷамъбаст ва дар конференсияҳои байналмилаливу ҷумҳуриявӣ 709 гузориш пешниҳод карданд. Аз ҷумла, дар конференсияҳои байналмилалию маҷаллаҳои илмии хориҷи мамлакат зиёда аз 119 гузоришу мақола нашр намудаанд.

АКС: Донишгоҳи давлатии Бохтар

Апрель 21, 2024 15:00

Хабарҳои дигари ин бахш

Донишҷӯёни Тоҷикистон имкони дар Донишгоҳи шаҳрсозии Тянҷин идома додани таҳсилро доранд
ТАЪТИЛИ ТОБИСТОНА. Лагери дараи Камароби ноҳияи Рашт 150 хонандаро дар се давр ба истироҳат фаро мегирад
Хонандагони тоҷик дар олимпиадаи байналмилали соҳиби ҷойи дуюм шуданд
Ҳамкории Донишгоҳи техникии Тоҷикистон бо Донишгоҳи илм ва технологияи AGH-и Лаҳистон густариш меёбад
Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад