Доир ба сохтмони ояндаи Маркази миллии бемориҳои сироятӣ ва таҳкими системаи тандурустӣ Ёддошти ҳамкорӣ ба имзо расид
ДУШАНБЕ, 05.04.2024 /АМИТ «Ховар»/. Байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Эксимбонки Ҷумҳурии Корея барои сохтмони ояндаи Муассисаи давлатии «Маркази миллии бемориҳои сироятӣ ва таҳкими системаи тандурустӣ» Ёддошти ҳамкорӣ ба имзо расид. Дар ин хусус АМИТ «Ховар» бо истинод ба маркази матбуоти ин вазорат хабар медиҳад.
Ёддошти ҳамкорӣ зимни ҷамъбасти брифинг, ки дар Вазорати тандурустӣ ва ҳифзи иҷтимоии аҳолӣ бо иштироки муовини якуми Вазири тандурустӣ ва ҳифзи иҷтимоии аҳолӣ Ғафур Муҳсинзода ва миссияи Эксимбонки Ҷумҳурии Корея оид ба сохтмони ояндаи Муассисаи давлатии «Маркази миллии бемориҳои сироятӣ ва таҳкими системаи тандурустӣ» дар Ҷумҳурии Тоҷикистон баргузор гардид, ба имзо расонида шуд.
Дар брифинг ҷонибҳо масъалаҳои омодагӣ ва сохтмони ояндаи «Маркази миллии бемориҳои сироятӣ ва таҳкими системаи тандурустӣ»-ро дар Ҷумҳурии Тоҷикистон баррасӣ намуда, дар ин самт маълумот доданд.
Ёдовар мешавем, ки бо мақсади баррасӣ ва тасдиқи ҳаҷми лоиҳаи нақшаи генералии таъсиси системаи пешгирии бемориҳои сироятӣ миссияи Эксимбонки Ҷумҳурии Корея ба Ҷумҳурии Тоҷикистон омада, инчунин бо роҳбарияти Вазорати тандурустӣ ва ҳифзи иҷтимоии аҳолии мамлакат доир ба сохтмони ояндаи Муассисаи давлатии «Маркази миллии бемориҳои сироятӣ ва таҳкими системаи тандурустӣ» вохӯрӣ анҷом дод.
Бояд гуфт, ки пешгирии бемориҳои сироятӣ яке аз масъалаи афзалиятноки соҳа ба шумор рафта, таъсиси марказ ба самти пешгирии ин гуна бемориҳо, алалхусус бемориҳои ниҳоят хавфнок равона мегардад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
