Донишгоҳи байналмилалии сайёҳӣ ва соҳибкории Тоҷикистон бо Донишгоҳи илм ва технологияи Шэнсии Чин ҳамкориро тақвият мебахшад
ДУШАНБЕ, 29.04.2024. /АМТИТ «Ховар»/. Роҳбарияти Донишгоҳи байналмилалии сайёҳӣ ва соҳибкории Тоҷикистон дар шаҳри Вейнани вилояти Шэнсии Ҷумҳурии Мардумии Чин бо роҳбарияти Донишгоҳи илм ва технологияи Шэнси мулоқот намуданд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон хабар медиҳад.
Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода вобаста ба зарфияту имконияти сайёҳии Ҷумҳурии Тоҷикистон ва бахусус пойгоҳи муосири омодасозии мутахассисони баландихтисоси соҳаи сайёҳӣ дар Донишгоҳи байналмилалии сайёҳӣ ва соҳибкории Тоҷикистон маълумот пешниҳод намуд.
Роҳбарияти Донишгоҳи илм ва технологияи Шэнсии Чин низ оид ба имконият ва шароити таҳсил дар ин донишгоҳ маълумот дода, ҳавасмандиашонро баҳри тақвияти минбаъдаи ҳамкорӣ бо Донишгоҳи байналмилалии сайёҳӣ ва соҳибкории Тоҷикистон иброз доштанд.
Гуфта шуд, ки донишгоҳ омода аст 30 донишҷӯи Донишгоҳи байналмилалии сайёҳӣ ва соҳибкории Тоҷикистонро аз оғози соли таҳсили 2024-2025 дар доираи барномаи табодули академӣ ва омӯзиши забони давлати Чин қабул намояд. Ҳамзамон қабули 15 нафари дигар низ дар доираи табодул дар зинаҳои магистратура ва доктор PhD қобили қабул дониста шуд.
Инчунин роҳбарияти ин донишгоҳ омодагиашро барои ҷалби омӯзгорон барои дарс додан дар ихтисосҳои забони давлати Чин дар Донишгоҳи байналмилалии сайёҳӣ ва соҳибкории Тоҷикистон иброз намуданд.
Роҳбарияти Донишгоҳи байналмилалии сайёҳӣ ва соҳибкории Тоҷикистон амалисозии нақшаву ҳадафҳои гузоштаро дар доираи қонунгузорӣ қобили қабул ва ба манфиати ҷонибҳо донистанд.
АКС: Донишгоҳи байналмилалии сайёҳӣ ва соҳибкории Тоҷикистон
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
Тоҷикистон натиҷаҳои аввалини PISA 2025-ро муаррифӣ мекунад
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
