Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд

Апрель 22, 2024 13:36

ДУШАНБЕ, 22.04.2024 /АМИТ «Ховар»/. Мақомоти гумруки Тоҷикистон аз пешгирии  қочоқи маводи доруворӣ дар ҳаҷми  2,7 тонна дар вилояти Суғд иттилоъ медиҳад.

Зимни гузаронидани амалиёти гумрукӣ ва чорабиниҳои фаврӣ-ҷустуҷӯӣ аз ҷониби кормандони шуъбаи мубориза бар зидди ҳуқуқвайронкуниҳои гумрукии Раёсати минтақавии гумрукӣ дар вилояти Суғд воситаи нақлиёти тамғаи «Мерседес-Бенс Спринтер», аломати қайди давлатиаш 28-84 МК/02 таҳти идораи ронанда, шаҳрванд Б.М, дар ҳудуди шаҳри Хуҷанд боздошт гардид.

Ҳангоми азназаргузаронӣ аз дохили бордони воситаи нақлиёти боздоштгардида маводи дорувории гуногунтамғаи истеҳсоли Русия  ба миқдори 1326 қуттии гуногунҳаҷм бо номгӯи «Кларитромицин CP» 500 мг-198 қуттӣ бо вазни 374,3 кг, «Каптоприл 50 мг»-192 қуттӣ бо вазни 277,92 кг, «Каптоприл 25 мг»- 413 қуттӣ бо вазни 1040 кг, «Протозидим» (цефтазидим) 1.0 гр-45 қуттӣ бо вазни 233,1 кг, «Метформин» 850 мг-38 қуттӣ бо вазни 204,44 кг, «Ципрофлоксацин» 100 мл-440 қуттӣ бо вазни 580,8 кг дарёфт ва мусодира гардид.

Зимни санҷиш муайян гардид, ки маводи доруворӣ ба шаҳрванд З.М. тааллуқ дошта, барои барасмияти гумрукӣ даровардан ягон ҳуҷҷати расмӣ, аз ҷумла декларатсияи бори гумрукӣ ва сертификати мутобиқати сифат надошта, бо мақсади пинҳонӣ аз назорати гумрукӣ маводи доруворӣ ба таври қочоқ аз  Қирғизистон ба Тоҷикистон ворид шудааст.

Мувофиқи хулосаи сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд,  дар натиҷаи таҳлилу ташхис маълум гардид, ки маводи доруворӣ ба талаботи меъёрҳои стандартӣ ҷавобгӯ буда, вале дорои сертификати мутобиқати сифат нест. Арзиши умумии маводи дорувории боздоштгардида  аз  654 ҳазору 089 сомонӣ то 732 ҳазору  422 сомониро ташкил медиҳад.

Вобаста ба ин ҳолат нисбат ба шаҳрванд З.М ва дигарон бо аломатҳои моддаи 289, қисми 2,  Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, ба Прокуратураи вилояти Суғд ирсол гардид.

АКС: Хадамоти гумруки назди  Ҳукумати Ҷумҳурии  Тоҷикистон

Апрель 22, 2024 13:36

Хабарҳои дигари ин бахш

Бонки аврупоии таҷдид ва рушд дар Хатлон пойгоҳҳои обкаширо навсозӣ менамояд
Масъалаҳои рушди ҳамкории иқтисодию тиҷоратӣ байни Тоҷикистон ва Покистон баррасӣ шуданд
Дар Душанбе ҷаласаи сатҳи байналмилалӣ оид ба омори меҳнат оғоз гардид
«САНОАТИКУНОНӢ ДАР МАСИРИ РУШД». Таҳти чунин унвон дар Суғд конфронси илмӣ-амалии ҷумҳуриявӣ баргузор шуд
«БАРҚИКУНОНИИ ДЕҲОТИ ТОҶИКИСТОН». Дар марҳилаи аввали татбиқи лоиҳа сокинони 26 маҳаллаи Бадахшон ба неруи барқ дастрасӣ пайдо намуданд
Дар Тоҷикистон ҷаласаи 42-юми Ситоди тафтишоти муштарак оид ба вайронкунии қонунгузории зиддиинҳисорӣ доир мешавад
«РОҲ БА СӮИ ТИЁН-ШОН». Муҳимтарин масъалаҳои марбут ба роҳу нақлиёт дар конфронси байналмилалӣ баррасӣ шуданд
Тоҷикистон ва Туркия ҳамкориро дар соҳаҳои энергияи «сабз» ва саноати кӯҳӣ тақвият медиҳанд
Ҳайатҳои Тоҷикистон ва Туркия дар ҳошияи ҷаласаи Комиссияи байниҳукуматӣ масъалаҳои мубрами ҳамкориро баррасӣ намуданд
Дар Анқара ҷаласаи 12-уми Комиссияи байниҳукуматии Тоҷикистон ва Туркия оид ба ҳамкории иқтисодӣ доир гардид
Вазири рушди иқтисод ва савдои Тоҷикистон бо Раиси Шурои мунисипалии шаҳри Чэндуи Чин мулоқот намуд
Дар вилояти Хатлон масъалаи содироти маҳсулоти кишоварзӣ ба хориҷи мамлакат баррасӣ шуд