Муносибатҳои Тоҷикистон ва Туркманистон рушд меёбанд
ДУШАНБЕ, 04.04.2024 /АМИТ «Ховар»/. Ҷумҳурии Тоҷикистон давоми солҳои соҳибистиқлолӣ бо сиёсати созандаи Президенти Тоҷикистон муҳтарам Эмомалӣ Раҳмон ва сиёсати ояндадори «Дарҳои боз» тавонист фазои дӯстона ва муносибатҳои густурда бо мамлакатҳои ҳампаймон ва ҳамрадифашро барқарор намояд.Аз ҷумла, Тоҷикистон бо Туркманистон шарикии стратегӣ ва ҳамкории густурдаро дар соҳаҳои гуногун барқарор намудаанд. Маҳз дӯстиву бародарии роҳбарони ин ду мамлакат аст, ки робитаҳои давомдор ва ҳамкории мутақобилан судманд дар низоми давлатдории ин ду мамлакат мустаҳкаму устувор гардидааст.
Президенти Тоҷикистон муҳтарам Эмомалӣ Раҳмон риштаи дӯстиву бародариро бо собиқ Президенти Туркманистон Гурбонгулӣ Бердимуҳамедов оғоз намуда, дар заминаи ин ҳамкориро тақвият бахшиданд.
Муносибатҳои сиёсӣ байни Тоҷикистон ва Туркманистон ҳамчун ду давлати мустақил аз 27 январи соли 1993 бо имзои Протокол «Дар бораи барқарор намудани муносибатҳои дипломатӣ байни Тоҷикистон ва Туркманистон» шуруъ шуданд.
Ҳамзамон моҳи феврали соли 1995 Сафорати Ҷумҳурии Тоҷикистон дар Ашқобод ва 26 июни соли 1999 Сафорати Туркманистон дар Душанбе ба фаъолият оғоз намуд. Дар заминаи ин ҳамкории густурдаи ду мамлакат то ин ҷониб 110 санаду қарори шартномавӣ ба танзим даромадаанд. Дар ин росто 20 августи соли 2018 дар минтақаи миллии сайёҳии «Аваза»- и шаҳри Туркманбошӣ ҷаласаи Шурои сарони давлатҳои муассиси Хазинаи Байналмилалии наҷоти Арал шуд, ки дар он Президенти Ҷумҳурии Тоҷикистон муҳтарам Эмомалӣ Раҳмон иштирок намуданд.
Ҷумҳурии Тоҷикистон бо ин мамлакати ҳампаймон аъзои кулли созмонҳои бонуфузи ҷаҳонӣ, аз ҷумла: Созмони Милали Муттаҳид, Созмони амният ва ҳамкорӣ дар Аврупо, Иттиҳоди Давлатҳои Мустақил, ЮНЕСКО, СҲИ, ТRACECA, С5 +1, ИА + Осиёи Марказӣ, Ҷопон + Осиёи Марказӣ, Ҷумҳурии Корея — Осиёи Марказӣ, Ҳиндустон — Осиёи Марказӣ, Осиёи Марказӣ – Чин буда, ҳамзамон дар масъалаҳои вобаста ба Афғонистон бо як мавқеъ баромад менамоянд.
Ҷумҳурии Тоҷикистон, ки дар ҳалли мушкилоти обии сайёра яке аз мамлакатҳои пешсаф мебошад, Туркманистон ба ҷонибдории ҷумҳурии мо овоз дода, ташаббусҳои Роҳбари давлати моро эътироф намудааст. Ҳамин тавр рушду муносибатҳои дипломатии Тоҷикистон ва Туркманистон зина ба зина тақвият меёбанд.
Тоҷикистон ҳамчун мизбони панҷумин машварати сарони давлатҳо ва ҷаласаи Шурои сарони давлатҳои муассиси Хазинаи Байналмилалии наҷоти Арал зери раисии Президенти Тоҷикистон муҳтарам Эмомалӣ Раҳмон баромад намуд. Дар ин ҷаласа роҳбари Туркманистон Сердар Бердимуҳамедов иштирок намуда, ба ҷониби Тоҷикистон овоз дод.
Бо ташаббуси роҳбарони ду мамлакат дар шаҳри Душанбе 3 апрели соли 2024 Рӯзҳои фарҳанги Туркманистон дар Ҷумҳурии Тоҷикистон оғоз гардиданд. Дар робита ба ин Пешвои миллии халқи туркман, Раиси Халқ Маслиҳатии Туркманистон муҳтарам Гурбонгулӣ Бердимуҳамедов субҳи имрӯз ба Ҷумҳурии Тоҷикистон ташриф овард.
Бо таҳкими дӯстиву бародарӣ дар оянда муносибатҳои дипломатии Тоҷикистон ва Туркманистон густариш ёфта, дар низоми сифатан нав тақвият меёбанд.
Муҳаммад АМИНЗОД,
котиби матбуоти Академияи миллии илмҳои Тоҷикистон
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
ПАЁМ — РОҲНАМО БА СӮИ СОЗАНДАГӢ. Ба ҷои исрофкории беҳуда ва худнамоишдиҳии бемаънӣ ба корҳои хайру ободонӣ бояд рӯй биёрем
ИМРӮЗ-РӮЗИ КОРМАНДОНИ МАҚОМОТИ ГУМРУК. Барномаи миёнамуҳлати рушди мақомоти гумруки Тоҷикистон ба маъмурикунонӣ ва рақамикунонии соҳа мусоидат намуд
ПАХТАКОРӢ. Чаро дар Тоҷикистон ҳамасола дар ин бахши муҳими соҳаи кишоварзӣ нишондиҳандаҳо паст мешаванд?
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Гузариш ба иқтисодиёти рақамӣ барои беҳтарсозии вазъи иқтисодии Тоҷикистон қадами муҳим аст
МОҲИЯТИ ТЕХНОЛОГИЯИ ИННОВАТСИОНӢ. Номзади илмҳои иқтисодӣ ин мавзуъро шарҳ додааст
ВАТАНДӮСТӢ ВА МАВҚЕИ СОҲАИ КОР БО ҶАВОНОН ВА ВАРЗИШ ДАР ПАЁМ. Дар ҳар Паёми Президенти Тоҷикистон ба Маҷлиси Олӣ беҳсозии ҳаёти ҷавонон таъкид гардидааст
ПАЁМЕ, КИ ҲАМА НУРУ НАВИД АСТ. Андешаҳои Шоири халқии Тоҷикистон Камол Насрулло дар ҳошияи Паёми Президенти Тоҷикистон ба Маҷлиси Олӣ
Масъалаи рақамикунонӣ барои идораи соҳаҳои геология, гидрология ва глятсиология аҳамияти бештар пайдо мекунад
Паёми Президенти Ҷумҳурии Тоҷикистон ба Маҷлиси Олӣ асоси ислоҳот дар соҳаи маориф аст
МАСЛИҲАТИ МУТАХАССИС. Сиёҳдона организмро аз пиршавӣ ва бемориҳои онкологӣ эмиин нигоҳ медорад
ХИШТИ АВВАЛ ЧУН НИҲАД МЕЪМОР КАҶ… Дар Паёми Президенти Тоҷикистон ба Маҷлиси Олӣ зиёд намудани теъдоди муассисаҳои томактабӣ таъкид гардид
