НАМУНА БАРОИ ИБРАТ. Сокини шаҳри Истаравшан усто Солеҳ Азизов маблағи барои ҳаҷ ҷамъкардаашро дар ободонии роҳи маҳалла сарф намуд
ДУШАНБЕ, 07.04.2024 /АМИТ «Ховар»/. Бо иштироки роҳбарияти вилояти Суғд мумфаршкунии кӯчаи марказии шаҳри Истаравшан оғоз шуд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Дар баробари мақомоти давлатӣ саҳми сокинони шаҳри бостонӣ низ дар иҷрои корҳои ободониву созандагӣ назаррас аст. Аз ҷумла, барои иҷрои дастуру ҳидоятҳои Пешвои миллат муҳтарам Эмомалӣ Раҳмон сокини шаҳр усто Солеҳ Азизов маблағи барои ҳаҷ ҷамъкардаашро дар ободонии роҳи маҳалла сарф намуд.
Бо ташаббус ва маблағгузории ин марди саховатманд 300 метр роҳ бо паҳноии 10 метр мумфарш карда шуд.
Чунин шахсони саховатманд дар иҷрои амалҳои хайру савоб намунаи ибрат буда, дар дигар минтақаҳо низ сафи чунин инсонҳо кам нест.
Ба иттилои манбаъ, роҳи кӯчаи марказӣ бо дастгирии Мақомоти иҷроияи ҳокимияти давлатии вилояти Суғд ба масофаи 1,8 километр мумфарш мегардад.
Ҳамзамон дар доираи тадбирҳои ободонӣ 2,5 километр роҳи ҳудуди шаҳри Истаравшан, ки солҳо инҷониб ба таъмир ниёз дошт, аз таъмири ҷорӣ бароварда мешавад.
Бояд гуфт, ки дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таъмиру тармими роҳҳо таваҷҷуҳи хосса зоҳир гардида, дар шаҳру ноҳияҳо ҳамасола садҳо километр роҳ таъмиру бозсозӣ мешаванд.
АКС: Хадамоти матбуоти Раиси вилояти Суғд
Аз ҷониби кормандони мақомоти гумрук дар Душанбе муомилоти ғайриқонунии маводи тарфгарӣ пешгирӣ карда шуд
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Дар Тоҷикистон баландшавии ҳолати ифлосшавии ҳаво дар назар аст
Дар Донишкадаи давлатии санъати тасвирӣ ва дизайни Тоҷикистон 14 намоиш гузаронида шуд
Ҳавопаймои «Azerbaijan Airlines» дар наздикии шаҳри Актауи Қазоқистон суқут кард
Дар Душанбе масъалаи ҳифзи ҳуқуқҳои шахсони маъюб баррасӣ шуд
«Рақам» барои Суғд. Чӣ тавр МегаФон Тоҷикистон интернети мобилиро дар минтақа рушд медиҳад?
Дар Донишгоҳи давлатии Кӯлоб бахшида ба 100-солагии мунаққиди тоҷик Соҳиб Табаров ҳамоиш баргузор шуд
Кумитаи ҳолатҳои фавқулода ва мудофиаи граждании Тоҷикистон соҳиби 15 техникаи вазнин барои корҳои наҷот гардид
Имрӯз дар Тоҷикистон ҳаво тағйирёбандаи бебориш мешавад
ОБОДОНӢ ДАР ДЕҲОТ. Роҳи деҳаи Сари Чашмаи ноҳияи Файзобод мумфарш карда шуд
Аёдати беморон ва дидорбинии собиқадорон амали хайр аст
