Пагоҳ дар ноҳияи Восеъ мусобиқаи гӯштини миллӣ баргузор мегардад

ДУШАНБЕ, 30.04.2024 /АМИТ «Ховар»/. Пагоҳ, 1 май дар деҳаи Тосқалъаи ноҳияи Восеи вилояти Хатлон бахшида ба Рӯзи ҷавонони Тоҷикистон мусобиқаи гӯштини миллӣ бо иштироки паҳлавонони шинохтаи дохилию хориҷӣ баргузор мегардад. Дар ин хусус шореҳи варзиши АМИТ «Ховар» хабар медиҳад.

Дар мусобиқа паҳлавонони тоҷик Саидҷамол Алимардонов, Бачаҷон Қаҳҳоров, Хуршед Маҷидов, Ҳақназар Назаров, Фирдавс Насимов, Шакармаҳмад Мирмамадов, Умар Расулов, Улуғбек Раҳимов, Саидшоҳ Раҳматуллоев, Қоим Шукронов, Абубакр Боқиев, Хайрандеш Муродзода, Суҳроб Боқиев, Мирзоҷамил Рамазонов, Субҳиддин Халилзода, Ҳамроз Раҷабов, Додохон Қурбоналев, Суҳроб Муҳаммадиев, Фарзиншоҳ Ҳусейнов, Ғаниҷон Ғаниев, Наврӯзи Каримзод ва дигарон иштирок намуда, бо ҳарифонашон гӯштин мегиранд.

Бояд гуфт, ки аз ҷониби ташкилкунандагони ин мусобиқаи варзишӣ ба ғолибон дар вазъияти тантанавӣ туҳфаҳои қиматнок, аз қабили мошинҳои сабукрав, уштур, асп, гов, гӯсфанд, телевизор, мошинаи ҷомашӯӣ, қолин, маблағҳои пулӣ ва ғайра тақдим карда мешаванд.

АКС: АМИТ «Ховар»