Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
ДУШАНБЕ, 19.04.2024 /АМИТ «Ховар»/. Имрӯз мулоқоти Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо Президенти Ҷумҳурии Узбекистон муҳтарам Шавкат Мирзиёев, ки бо сафари давлатӣ дар шаҳри Душанбе қарор дорад, доир гардид. Дар ин хусус АМИТ «Ховар» бо истинод ба Маҷлиси намояндагон хабар медиҳад.
Раиси Маҷлиси намояндагон иброз дошт, ки ин мулоқот ба рушди муносибатҳои байнипарлумонии ду давлат такони ҷиддӣ мебахшад.
Таъкид шуд, ки давоми беш аз сӣ соли истиқлолият ҳарду давлат дар ҳамкории созандаи байнидавлатӣ ва байнипарлумонӣ таҷрибаи ғанӣ андӯхтанд. Дар ин давра низоми қавӣ ва васеи шарикии стратегии дуҷониба, ки бар заминаи ошкорбаёнӣ, эътимод ва ҳамкории баробарҳуқуқ асос ёфтааст, ба роҳ монда шуд. Заминаи шартномавию ҳуқуқии ҳамкории дуҷониба аз 200 санад, аз ҷумла Созишномаи шарикии стратегӣ байни Ҷумҳурии Тоҷикистон ва Узбекистон, ки ҳамкориро дар соҳаҳои гуногун танзим мекунанд, иборат мебошад.
Ҷониби Тоҷикистон тамоми кӯшишро ба харҷ медиҳад, ки муносибатҳои байнидавлатӣ ва байнипарлумонӣ ба манфиати давлату миллат ҳарчӣ бештар рушд ва густариш ёбанд.
Робитаҳои мавҷудаи байнипарлумонии Тоҷикистон ва Узбекистон дар рушди ҳамкории гуногунҷанба ва судманд саҳми арзанда мегузоранд.
Дар мулоқот махсус иброз гардид, ки заминаи ҳуқуқӣ байни Палатаи қонунгузории Олии Ҷумҳурии Узбекистон ва Маҷлиси намояндагони Маҷлиси Олии Ҷумҳурии Тоҷикистонро Ёддошти тафоҳум оид ба ҳамкории байнипарлумонӣ, ки 7 октябри соли 2019 дар шаҳри Тошканд ба имзо расидааст ва Протокол дар бораи вазъият ва дурнамои ҳамкории дуҷониба, ки моҳи сентябри соли 2020 дар шаҳри Душанбе аз ҷониби роҳбарони гурӯҳҳои дӯстии парлумонҳои ду давлат ба имзо расидааст, ташкил медиҳанд.
Изҳор гардид, ки фаъол шудани гурӯҳҳои ҳамкории байнипарлумонӣ, ки дар парлумонҳои ҳарду давлат таъсис ёфтаанд, инчунин робитаҳои зич байни кумитаҳои дахлдор ҳам ба таҳкими муколамаи байнипарлумонӣ ва ҳам ба рушди муносиботи Тоҷикистон ва Узбекистон мусоидат менамоянд.
Зимни суҳбат гуфта шуд, ки Маҷлиси намояндагони Маҷлиси Олии Ҷумҳурии Тоҷикистон ҷонибдори ҳамкории фаъоли мақомоти қонунгузории ду давлат мебошад. Мубодилаи сафарҳо дар сатҳҳои гуногун, иштирок дар чорабинихои гуногун, инчунин муколамаи ошкоро оид ба масьалаҳои байналмилалӣ ва минтақавӣ имкон медиҳад, ки робитаҳои байнипарлумонӣ таҳким ёбанд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
Оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занон ҷаласа доир шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Доир ба ҳамоҳангсозии фаъолияти Маҷлиси миллӣ бо Маҷлиси намояндагон ва ҳокимияти иҷроия ҷаласа баргузор шуд
Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Маҷлиси Бузурги Миллии Туркия Нуман Куртулмуш мулоқот намуданд
