Сироҷиддин Муҳриддин дар Вохӯрии ҳафтуми вазирони корҳои хориҷии Осиёи Марказӣ ва Русия иштирок намуд
ДУШАНБЕ, 13.04.2024 /АМИТ «Ховар»/. 12 апрел дар Минск Вазири корҳои хориҷии Ҷумҳурии Тоҷикистон Сироҷиддин Муҳриддин дар Вохӯрии ҳафтуми вазирони корҳои хориҷии қолаби Осиёи Марказӣ ва Русия иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Вазирон дар бораи ҳолат ва дурнамои рушди ҳамкории шашҷониба бо тамаркуз ба татбиқи натиҷаҳои саммити якуми қолаби мазкур, ки моҳи октябри соли 2022 доир гардида буд, табодули афкор анҷом доданд.
Дар вохӯрӣ Сироҷиддин Муҳриддин таъкид намуд, ки дар пасманзари таҳаввулоти босуръат дар сиёсат ва иқтисоди ҷаҳонӣ муколамаи самимона ва боэътимод байни давлатҳои Осиёи Марказӣ ва Русия аҳамияти хосса касб мекунад.
Вазири корҳои хориҷӣ мавқеъ ва назари Тоҷикистонро доир ба масоили коркард ва қабули Нақшаи муштараки амал оид ба татбиқи натиҷаҳои саммити Осиёи Марказӣ ва Русия муаррифӣ намуд.
Вазир тазаккур дод, ки рушди минбаъдаи ҳамкории дуҷониба ва бисёрҷониба дар самти муҳоҷират дар қолаби Осиёи Марказӣ – Русия барои рушди иҷтимоию иқтисодӣ хусусияти мутақобилан судманд дорад. Дар робита ба ин зарурати фароҳам овардани шароити муносиб барои захираҳои меҳнатӣ, таъмини ҳифзи ҳуқуқҳои онҳо ва дар маҷмуъ идоракунии оқилона ва дурандешонаи масъалаҳои муҳоҷират таъкид гардид.
Дар суханронии Сироҷиддин Муҳриддин таваҷҷуҳи хосса ба масъалаҳои татбиқи ташаббусҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, аз ҷумла дар бораи шуруи лоиҳаи “Иқтисоди пешбинишаванда” ва қабули Барномаи ҳавасмандгардонии ҳамкорӣ дар соҳаи саноатӣ байни давлатҳои Осиёи Марказӣ ва Русия зоҳир карда шуд.
АКС: Вазорати корҳои хориҷии Ҷумҳурии Тоҷикистон
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
Сафири Тоҷикистон бо роҳбари Раёсати Осиё ва Уқёнуси Ороми Вазорати корҳои хориҷии Олмон мулоқот намуд
Қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» дар Вена муаррифӣ гардид
Cафири нави Муғулистон дар Тоҷикистон нусхаи эътимоднома супорид
Дар Ашқобод доир ба аҳамияти қабули қатъномаи СММ оид ба Даҳсолаи байналмилалии таҳкими сулҳ нишасти матбуотӣ баргузор шуд
Сироҷиддин Муҳриддин бо Сафири Озарбойҷон дар Тоҷикистон мулоқот намуд
Дар Дакка машваратҳои сиёсии Тоҷикистон ва Бангладеш баргузор шуданд
Сафири Тоҷикистон дар Русия бо Дабири кулли Созмони байналмилалии забони русӣ мулоқот намуд
Ташаббуси байналмилалии Тоҷикистон барои таҳкими сулҳ ба хотири наслҳои оянда аҳамияти ҳуқуқӣ ва сиёсии хос дорад
