23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
ДУШАНБЕ, 23.05.2024. /АМИТ «Ховар»/. Имрӯз дар шаҳри Хоруғи Вилояти Мухтори Кӯҳистони Бадахшон ба ифтихори Рӯзи ҷавонони Тоҷикистон ҷаласаи Шурои кор бо ҷавонони вилоят баргузор гардид. Дар ин хусус АМИТ «Ховар» бо истинод ба мақомоти иҷроияи ҳокимияти давлатии вилоят хабар медиҳад.
Нахуст барои арҷгузорӣ ба таърихи пурғановати миллати тоҷик дар назди муҷассамаи Исмоили Сомонӣ гулчанбар гузошта шуд. Сипас роҳбарият бо дастовардҳои соҳаи ҷавонон ва варзиш шинос гардиданд.
Раиси вилоят ба ҷавонон муроҷиат намуда, иброз дошт, ки дар баробари ташаккул ва рушди ҳамаи соҳаҳои муҳим, дар заминаи сиёсати ҷавонпарваронаи Президенти Тоҷикистон, Пешвои миллат муҳтарам Эмомалӣ Раҳмон аз солҳои аввали соҳибистиқлолӣ таваҷҷуҳи бузург ба сиёсати ҷавонон ва пешрафти кулли ҷанбаҳои ҳаётии ин қишри ҷомеа равона гардид, ки самараи неки онро мо имрӯз баръало мебинем.
Аз ин рӯ месазад, ки бо садоқат ва эҳтироми самимӣ, бори дигар ба хиради азалӣ, дурандешӣ, заковат, ҷавонмардию ҷавонпарастӣ, саховат ва ҷасорату нусрати Сарвари давлат муҳтарам Эмомалӣ Раҳмон сари таъзим фуруд оварда, вафодории хешро ба сиёсат ва роҳи пешгирифтаи Ҷаноби Олӣ изҳор намоем.
Маҳз таваҷҷуҳи Сарвари давлат нисбат ба ҷавонон буд, ки 23 майи соли 1997 пас аз мулоқот бо намояндагони ҷавони мамлакат Фармон «Дар бораи баъзе тадбирҳои беҳтар намудани кор бо ҷавонон»-ро ба имзо расид.
Иқдоми дигари бузурги Президенти мамлакат- ин моҳи майи соли 1998 Рӯзи ҷавонони Тоҷикистон эълон намудани 23 май буд.
«Дар қатори ҷавонони минтақаҳои дигари Ватани маҳбубамон ҷавонони Бадахшон низ аз дастовардҳои замони соҳибистиқлолӣ баҳраи зиёд гирифта, дар посух ба ғамхориҳои Ҳукумати мамлакат, хусусан Пешвои миллат бо таҳсили хуб, эҷодкорӣ, фаъолияти пурмасъул ва зиракию омодагии доимӣ барои ҳифзу ҳимояи муқаддасоти миллӣ ва марзу буми аҷдодӣ миллатдӯстӣ ва ватанпарварӣ нишон медиҳанд»,- иброз дошт Раиси вилоят.
Дар фарҷом бархе аз ҷавонон, ки дар соҳаҳои гуногун фаъолият доранд, ба муносибати Рӯзи ҷавонон бо Ифтихорномаи Раиси вилоят қадрдонӣ карда шуданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Доир ба масъалаи масъулияти блогерон дар таъмини фазои иттилоотӣ вохӯрӣ баргузор шуд
КОНФРОНСИ 35-УМИ МИНТАҚАВИИ СОЗМОНИ ОЗУҚАВОРӢ ВА КИШОВАРЗИИ СММ. Оид ба нақши занон дар таъмини амнияти озуқаворӣ ҳамоиш доир шуд
Байни Тоҷикистон ва Чин дар самти таҳқиқоти академӣ Ёддошти тафоҳум оид ба ҳамкорӣ ба имзо расид
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
