БИСТСОЛАИ ОМӮЗИШ ВА РУШДИ ИЛМҲОИ ДАҚИҚ. Дар Душанбе ғолибони озмунҳо ҳавасманд гардонида шуданд
ДУШАНБЕ, 24.05.2024. /АМИТ «Ховар»/. Дар шаҳри Душанбе ҳамоиши тантанавии ҳавасмандгардонии ғолибони даври ниҳоии озмунҳои шаҳрии «Доноякон», «Ҷаҳондонӣ аз забондонист» ва «Ахтаракони ҳисобдон» байни тарбиягирандагони муассисаҳои таълимии томактабии шаҳри Душанбе баргузор гардид. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.
Гуфта шуд, ки озмун баҳри татбиқи «Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф» (2020-2040»), «Стратегияи омӯзиш ва рушди илмҳои табиатшиносӣ, дақиқ ва риёзӣ дар соҳаи маориф ва илм дар давраи то соли 2030» баргузор карда шуд.
Иттилоъ дода шуд, ки озмунҳои шаҳрии «Доноякон», «Ҷаҳондонӣ аз забондонист» ва «Ахтаракони ҳисобдон» байни тарбиягирандагони муассисаҳои таълимии томактабии шаҳри Душанбе бо ташаббуси Мақомоти иҷроияи ҳокимияти давлатии шаҳри Душанбе ва дастгирии Раиси шаҳри Душанбе муҳтарам Рустами Эмомалӣ барои ташкили фазои ягонаи таълимӣ барои муайян кардани кӯдакони синни томактабии дорои сатҳи баланди рушди зеҳнӣ доир гардиданд.
Ин озмунҳо дар доираи талаботи Стандарти давлатии таҳсилоти томактабӣ дар Ҷумҳурии Тоҷикистон, омода намудани кӯдакони синни томактабӣ ба таълим дар зинаи аввали таҳсили умумӣ ва ташаккули малакаҳои одии фаъолияти таълимӣ дар кӯдакони синни томактабӣ дар азхудкунии барномаҳои фанни зинаи аввали таҳсили миёнаи умумӣ, дарёфти кӯдакони болаёқату боистеъдод ва фароҳам овардани шароит баҳри рушди истеъдоди онҳо, баланд бардоштани маҳорати касбии мураббиён, қадрдонии меҳнати мураббиён ва баланд бардоштани мақому манзалати онҳо дар ҷомеа баргузор карда шуданд.
Довталабони озмунҳо – ғолибони даври ноҳиявӣ моҳҳои апрел ва май дар гурӯҳҳои алоҳида донишу маҳораташонро дар доираи талаботи Низомномаи озмунҳо пешкаш намуда, байни ҳам сабқат намуданд.
Дар ҳамоиши тантанавии ҳавасмандгардонӣ 57 ғолиби даври ниҳоии озмунҳои шаҳрии «Доноякон», «Ҷаҳондонӣ аз забондонист», «Ахтаракони ҳисобдон» ва мураббиёни онҳо бо Ифтихорнома ва туҳфаҳои хотиравӣ, инчунин 10 мудири муассисаҳои таҳсилоти томактабии шаҳри Душанбе, ки дар ҷамъбасти рейтинги даҳгонаи беҳтарин муассисаҳои таҳсилоти томактабӣ муайян шуданд, бо Сипоснома ва туҳфаҳои хотиравӣ ва масъулону ҳайати ҳакамон, ки дар ташкилу баргузории даври шаҳрии озмунҳо саҳм гузоштаанд, бо Сипосномаи Сарраёсати маорифи шаҳри Душанбе қадрдонӣ карда шуданд.
АКС: Сарраёсати маорифи шаҳри Душанбе
Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад
«ТОҶИКОН БОЯД ДОРОИ ҶАҲОНБИНИИ ИЛМИИ ЗАМОНИ МУОСИР БОШАНД». Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
РУШДИ ИЛМ ВА АҲАМИЯТИ ОН БАРОИ ИСТИҚЛОЛИЯТИ ТОҶИКИСТОН. Дар ҳошияи мулоқоти Президенти Тоҷикистон муҳтарам Эмомалӣ Раҳмон бо аҳли илм ва маорифи мамлакат
Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд
