Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид

Май 16, 2024 17:46

ДУШАНБЕ, 16.05.2024. /АМИТ «Ховар»/. Дар шаҳри Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид. Дар ин хусус ба АМИТ «Ховар» дар Кумитаи Иҷроияи Марказии Ҳизби Халқии Демократии Тоҷикистон хабар доданд.

Дар он муовини якуми Раиси ҳизб Абдуҷаббор Азизӣ иштирокдоронро бо 5 масъала, аз ҷумла «Дар бораи баргузор намудани «Ҳафтаи футбол» дар ташкилоти Ҳизби Халқии Демократии Тоҷикистон», «Дар бораи ҷамъбасти натиҷаҳои фаъолияти Ҳизби Халқии Демократии Тоҷикистон дар чормоҳаи соли 2024», «Дар бораи баргузории маҷлисҳо ва конференсияҳои ҳисоботӣ — интихоботӣ дар ташкилоти Ҳизби Халқии Демократии Тоҷикистон, рафти иҷрои нақшаи чорабиниҳо бахшида ба ҷашни «30 — солагии Ҳизби Халқии Демократии Тоҷикистон» ва «Дар бораи даъвати маҷлиси Кумитаи Иҷроияи Марказии Ҳизби Халқии Демократии Тоҷикистон шинос намуд.

Оид ба масъалаи якуми рӯзномаи маҷлис иброз гардид, ки 7 майи имсол Маҷмаи Умумии Созмони Милали Муттаҳид қатъномаро дар бораи эълон намудани Рӯзи ҷаҳонии футбол, ки аз ҷониби Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ пешниҳод гардида буд, қабул намуд ва ҷомеаи ҷаҳонӣ ин ташаббусро, яъне дар бораи Рӯзи ҷаҳонии футбол эълон намудани 25 май якдилона пазируфт.

Вобаста ба ин дар кумитаҳои иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон, вилоятҳои Хатлону Суғд, шаҳри Душанбе ва шаҳру ноҳияҳои тобеи ҷумҳурӣ бо дарки масъулияти баланд дар ҳамкорӣ бо Федератсияи футболи Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии шаҳру ноҳияҳои мамлакат «Ҳафтаи футбол» амалӣ шавад.

Мутобиқи рӯзномаи маҷлис, гузориши муовини Раиси Ҳизби Халқии Демократии Тоҷикистон Асрор Латифзода оид ба ҷамъбасти натиҷаҳои фаъолияти Ҳизби Халқии Демократии Тоҷикистон дар чор моҳи соли 2024 шунида шуд.

Таъкид гардид, ки дар чор моҳи имсол фаъолияти Кумитаи Иҷроияи Марказӣ ва сохторҳои ҳизб бештар хусусияти ташвиқотию тарғиботӣ касб намуда, ба иҷрои дастуру супоришҳои роҳбарияти ҳизб, ки дар Маҷлиси Кумитаи Иҷроияи Марказӣ 8 декабри соли 2023 баён намуда буданд ва татбиқи нишондодҳои барномаҳои пешазинтихоботии Ҳизби Халқии Демократии Тоҷикистон равона гардид.

Нақшаи тасдиқшудаи фаъолияти ҳизб барои нимсолаи якуми соли 2024, ки фарогири ҳама самту соҳаҳои фаълияти ҳизб буд, дар сатҳи матлуб ҷараён дошта, нишондиҳандаҳо иҷро мешаванд.

Таъкид гардид, ки дар муҳлати чор моҳи соли 2024 фаъолияти сохторҳои ҳизбӣ густариш ёфта бошад ҳам, вале дар кори баъзе кумитаҳои иҷроия дар шаҳру ноҳияҳои ҷумҳурӣ камбудиҳо низ мушоҳида мешаванд, ки баҳри ислоҳи он бояд кӯшиш ба харҷ диҳем.

Доир ба масъалаи сеюми рӯзномаи маҷлиси Раёсат «Дар бораи баргузор намудани маъракаи ҳисоботӣ — интихоботӣ дар ташкилоти Ҳизби Халқии Демократии Тоҷикистон” кумитаҳои иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон, вилоятҳои Хатлону Суғд, шаҳри Душанбе ва шаҳру ноҳияҳои тобеи ҷумҳурӣ вазифадор карда шуданд, ки конференсияҳо ва маҷлисҳои ҳисоботӣ — интихоботиро тибқи тартиби муқарраргардида баргузор намоянд.

Масъалаи чоруми рӯзномаи Маҷлиси Раёсат «Дар бораи рафти иҷрои нақшаи чорабиниҳо ба таҷлили «30-солагии Ҳизби Халқии Демократии Тоҷикистон» бахшида шуд.

Таъкид шуд, ки вобаста ба санаи муҳиму таърихӣ Қарори Маҷлиси Кумитаи Иҷроияи Марказӣ аз 25 майи соли 2023 «Дар бораи омодагӣ ва сазовор таҷлил намудани 30-солагии Ҳизби Халқии Демократии Тоҷикистон» бо имзои Раиси муаззами ҳизб ба тасвиб расидааст.

Дар асоси қарор ҳайати Ситоди ҷумҳуриявии «Ҷашни 30 — солагии Ҳизби Халқии Демократии Тоҷикистон» ва Нақшаи баргузории чорабиниҳо бахшида ба 30-солагии Ҳизби Халқии Демократии Тоҷикистон иборат аз 45 банд тасдиқ гардид.

Дар маҷлис бо назардошти таклифу пешниҳодҳо аз рӯйи ҳамаи масъалаҳои муҳокимашаванда қарорҳои дахлдор қабул карда шуданд.

Ташкилоти ҳизбӣ муваззаф гардиданд, ки ба масъалаҳои таъмини амнияти мамлакат ва муборизаи беамон ба зуҳуроти хатарноки замони муосир, аз ҷумла терроризму экстремизм, таассубу хурофот ва дигар зуҳуроти манфӣ эътибори ҳамешагӣ дода, корҳои фаҳмондадиҳиро байни аҳолӣ вусъат бахшанд ва мардумро ба корҳои ободониву созандагӣ, татбиқи нақшаҳо вобаста ба Соли маърифати ҳуқуқӣ ва бо дастовардҳои арзанда истиқбол гирифтани 30-солагии Ҳизби Халқии Демокоратии Тоҷикистон ва 30-солагии Конститутсияи Ҷумҳурии Тоҷикистон даъват намоянд.

Бо итминон иброз гардид, ки ташкилоти ҳизбӣ фаъолиятро беш аз пеш тавсеа бахшида, рисолаташонро дар фаъолияти минбаъда низ дар татбиқи ғояҳои созанда — идеяҳои низоми давлатдории миллӣ, ки аз ҷониби Раиси муаззами ҳизб муҳтарам Эмомалӣ Раҳмон мушаххас гардидаанд, бо самимияти хосса анҷом медиҳанд.

АКС: Кумитаи Иҷроияи Марказии Ҳизби Халқии Демократии Тоҷикистон

Май 16, 2024 17:46

Хабарҳои дигари ин бахш

Дар Душанбе вазъи хизматрасонии тиббӣ ба аҳолӣ баррасӣ гардид
Сел ба баъзе ноҳияҳои вилояти Суғд хисорот расонидааст
Дар Женева Конфронси ҷаҳонӣ оид ба бакорҷалбкунии байналмилалӣ доир гардид
ЗАНОН-НЕРУИ СОЗАНДА, ТАРБИЯТГАР ВА ТАҲКИМБАХШИ ВАҲДАТИ МИЛЛӢ. Таҳти ин унвон дар Душанбе ҳамоиш баргузор шуд
ОГОҲИИ АГЕНТИИ ОБУҲАВОШИНОСӢ. Дар баъзе ноҳияҳои вилояти Суғд хатари ба амал омадани сел боқӣ мемонад
Дар Душанбе тавсеаи ҳамкории Тоҷикистон бо Кумитаи миллии сиёсати хориҷии Амрико баррасӣ гардид
Ҷамолиддин Абдуллозода: «Ҳар рӯз дар ҷаҳон тақрибан 1000 нафар кӯдак аз бемориҳои бо об ва беҳдоштӣ вобаста мефавтанд»
Ҳукумати Тоҷикистон дар 7 соли минбаъда ҷиҳати то 10 фоиз паст кардани сатҳи камбизоатӣ вазифадор гардидааст
РАВАНДИ ОБИ ДУШАНБЕ. Намояндаи парлумони Узбекистон: «Аз тағйирёбии иқлим занон бештар аз дигарон азият мекашанд»
ФОРУМИ КӮДАКОН ВА ҶАВОНОН ОИД БА ОБ ВА ИҚЛИМ. Октавиан Бивол: «Обшавии босуръати пиряхҳои Осиёи Марказӣ ба ҳаёти 25 миллион кӯдак хатар дорад»
Дар Санкт-Петербург масъалаи ҳифзи ҳуқуқу манфиатҳои шаҳрвандони Тоҷикистон дар Русия баррасӣ шуд
РАВАНДИ ОБИ ДУШАНБЕ. Форуми кӯдакон ва ҷавонон оид ба об ва иқлим баргузор шуд

Маводҳои таҳлилӣ