Дар Москва бо ҷавонон ва донишҷӯёни тоҷик мулоқот доир гардид
ДУШАНБЕ, 25.05.2024 /АМИТ «Ховар»/. Дар доираи таҷлили ҷашни Рӯзи ҷавонони Тоҷикистон вохӯрии Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода бо роҳбарони ташкилоти ҷавонон ва донишҷӯёни фаъоли тоҷик, ки дар мактабҳои олии Москва таҳсил мекунанд, баргузор гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Федератсияи Русия хабар медиҳад.
Давлатшоҳ Гулмаҳмадзода дар бораи рушди иҷтимоию иқтисодии Тоҷикистон дар марҳилаи муосир маълумот дод. Дастгирӣ ва ғамхории доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои фароҳам овардани шароити муносиб баҳри омӯзиш ва рушди минбаъдаи ҷавонон махсусан таъкид гардид.
Зимни вохӯрӣ ҳамчунин дигар масъалаҳои мавриди таваҷҷухи ҷавонони тоҷик, бахусус ба масъалаҳои ҳамкорӣ дар соҳаи маориф, аз ҷумла ба муҳим ва зарурӣ будани тайёр намудани кадрҳои баландихтисос барои иқтисодиёти ҷумҳурӣ зоҳир карда шуд.
Инчунин Сафир доир ба Соли маърифати ҳуқуқӣ эълон гардидани соли 2024, муқовимат ба экстремизм ва терроризм, пешгирии ҳамроҳшавии ҷавонон ба ҳизбу ҳаракатҳои террористию экстремистӣ ва тарбия намудани насли ҷавон дар руҳияи худшиносиву меҳандӯстӣ изҳори андеша намуд.
Дар анҷоми мулоқот як зумра ҷавонони касбу кори гуногун, олимону муҳаққиқон, варзишгарон ва донишҷӯён, ки дар ҳаёти ҷамъиятиву сиёсӣ дар қаламрави мамлакат саҳми назаррас доранд, бо Сипоснома сарфароз гардонида шуданд.
АКС: Сафорати Ҷумҳурии Тоҷикистон дар Федератсияи Русия
Дар Манама машваратҳои сиёсӣ байни вазоратҳои корҳои хориҷии Тоҷикистон ва Баҳрайн баргузор гардид
Намояндаи Тоҷикистон дар Муколамаи Манама иштирок намуд
Вазирони корҳои хориҷии Тоҷикистону Узбекистон мулоқот намуданд
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
Дар Самарқанд нақши Тоҷикистон дар ҳалли мушкилоти тағйирёбии иқлим ва обшавии пиряхҳо таъкид карда шуд
Дар шаҳри Пусан ҳамкории Ҷумҳурии Корея бо кишварҳои Осиёи Марказӣ дар соҳаи сайёҳӣ баррасӣ шуд
Байни Тоҷикистон ва Арабистони Саудӣ Ёддошти тафоҳум оид ба ҳамкорӣ дар соҳаи мудофиаи гражданӣ ва ҳимоя ба имзо расид
Ҳайати Тоҷикистон дар Конфронси генералии ЮНЕСКО иштирок менамояд
Дар Минск мулоқоти муовинони вазирони корҳои хориҷии Тоҷикистон ва Ҳиндустон баргузор шуд
Бо ташаббуси Тоҷикистон ҳамоҳангии талошҳои ИДМ, СААД ва СҲШ дар мубориза бо тундгароӣ баррасӣ шуд
Дар Минск ҷаласаи навбатии Шурои намояндагони ваколатдори доимии ИДМ баргузор гардид
