Дар шаҳри Конибодом Форуми таълимии соҳибкории G5 баргузор гардид
СУҒД, 17.05.2024 /АМИТ «Ховар»/. 15 май дар «Қасри фарҳанг»-и шаҳри Конибодом таҳти унвони «Таърихи муваффақияти соҳибкорони ватанӣ» Форуми таълимии соҳибкории G5 баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Конибодом хабар доданд.
Форуми таълимии соҳибкорӣ бо мақсади баланд бардоштани неру ва ҳавасманд намудани ҷавонон ба фаъолияти соҳибкориву сармоягузорӣ, тақвияти афкор ва васеъ намудани маълумотнокии иштирокчиён, рушди соҳибкорӣ байни ҷавонон, татбиқи лоиҳаҳои инноватсионӣ, таъмини муколамаи муфид байни соҳибкорон ва мақомоти давлатӣ ва дар амал татбиқ намудани сиёсати давлатии дастгирии соҳибкорон доир шуд.
Таъкид гардид, ки рушд бахшидан ба фаъолияти соҳибкорӣ ва дастгирии он зери таваҷҷуҳи доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, Ҳукумати мамлакат барои ислоҳот дар соҳаи соҳибкорӣ мунтазам барномаҳои давлатӣ қабул менамояд. Таъсиси грантҳои президентӣ, барномаҳои гуногуни дастгирии давлатии соҳибкорӣ, Қонуни Ҷумҳурии Тоҷикистон “Дар бораи фаъолияти соҳибкорӣ”, қонунҳои амалкунанда дар самти соҳибкорӣ аз қабили чунин тадбирҳои муҳим мебошанд.
Дар форум 5 соҳибкори муваффақи ватанӣ: Дилшод Ҷуразода – директори Муассисаи давлатии «Ташаккул ва рушди соҳибкории Тоҷикистон”, Наталия Браун — менеҷер оид ба фаъолият дар маркетплейси «Вайлдберс», Беҳрӯз Ҳафизов – блогер ва соҳибкор, ташкилкунандаи Мактаби омӯзишии забони англисӣ, Шоҳина Гадойбоева — номзади илмҳои иқтисодӣ, муассис ва директори маркази ташхису табобатии “Насли солим”, Навруз Юсупов -соҳибмулки бозори яклухти «Дӯстӣ», Маҳмудҷон Аҳмадов – номзади илмҳои иқтисодӣ ва муассиси “Фин групп Осон маркет” вобаста ба мавзуъҳои мубрами фаъолияти соҳибкорӣ ва таҷрибаву муваффақиятҳояшон табодули афкор намуданд.
Бояд гуфт, ки форум бо ибтикори Муассисаи давлатии «Ташаккул ва рушди соҳибкории Тоҷикистон»-и Кумитаи давлатии сармоягузорӣ ва идораи амволи давлатии Ҷумҳурии Тоҷикистон баргузор гардид.
Саъдулло МАҲКАМ,
АМИТ «Ховар»
АКС: Мақомоти иҷроияи ҳокимияти давлатии шаҳри Конибодом
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
