Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
ДУШАНБЕ, 04.05.2024. /АМИТ «Ховар»/. Дар Маркази тадқиқоти стратегии назди Президенти Ҷумҳурии Тоҷикистон бо ҳайати Пажуҳишгоҳи нидерландии «Клингендаел» ва намояндаи Шуъбаи омӯзиши Иттиҳоди Аврупо ва муносибатҳои глобалӣ мулоқот баргузор гардид, ки зимни он мизони ҳамкории дуҷонибаи Тоҷикистон ва Нидерланд ва ҳамкории бисёрҷонибаи Тоҷикистон ва Иттиҳоди Аврупо ва имкони тавсеаи он баррасӣ шуд. Дар ин хусус ба АМИТ «Ховар» дар хадамоти матбуоти Маркази тадқиқоти стратегӣ хабар доданд.
Дар мулоқот аз ҷониби Маркази тадқиқоти стратегӣ ба муносибатҳои дӯстонаи Ҷумҳурии Тоҷикистон ва Шоҳигарии Недерланд баҳои мусбат дода, таъкид гардид, ки рушди минбаъдаи онҳо ҷавобгӯи манфиатҳои ҳарду давлат мебошад.
Таъкид гардид, ки Конфронси байналмилалии сатҳи баланд – Конфронси Созмони Милали Муттаҳид оид ба бознигарии миёнамуддати фарогири ҷараёни татбиқи ҳадафҳои Даҳсолаи байналмилалии амал «Об барои рушди устувор, 2018-2028», ки аз 22 то 24 март дар қароргоҳи Созмони Милали Муттаҳид дар шаҳри Ню-Йорк бо ҳамраисии Тоҷикистон ва Нидерланд баргузор гардид, нишони сатҳи баланди ҳамкории тарафайн ва дастгирии мутақобилаи ташаббусҳои муштараки байналмилалӣ мебошад.
Намояндаи Пажуҳишгоҳи нидерландии «Клингендаел» Нилс Дрост иброз дошт, ки ин нахустин сафараш ба Тоҷикистон буда, ҳадафи он табодули афкор барои муайян кардани самтҳои калидие мебошад, ки дар оянда Иттиҳоди Аврупо, аз ҷумла Нидерланд метавонад бо Тоҷикистон ҳамкории мутақобилан судмандро тавсеа бахшад.
Изҳор гардид, ки Ҷумҳурии Тоҷикистон чор ҳадафи стратегии рушди мамлакатро эълон намудааст, ки доир ба ин чор самт хостори равобити ҳамкории муштарак бо тамоми кишварҳо, аз ҷумла бо давлатҳои Иттиҳоди Аврупо мебошад. Хусусан, давлати мо доир ба татбиқи самти чоруми стратегии рушди мамлакат, ки саноатикунонии босуръат мебошад, ҳавасманди ҳамкории мутақобилан судманд бо Иттиҳоди Аврупо ва Шоҳигарии Нидерланд аст.
Ҳамкорӣ дар соҳаи сайёҳӣ ва рушди энергияи «сабз», коркарди захираҳои табиӣ ва ташкили хатсайрҳои мустақим аз ҷумлаи самтҳои ояндадор ва афзалиятноки ҳамкорӣ арзёбӣ гардид.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
