Ғолибони Мусобиқаи ҷумҳуриявӣ оид ба гӯштини миллӣ дар ноҳияи Данғара муайян гардиданд

ДУШАНБЕ, 13.05.2024 /АМИТ «Ховар»/. Бахшида ба Рӯзи ҷавонони Тоҷикистон дар Варзишгоҳи марказии ноҳияи Данғараи вилояти Хатлон мусобиқаи кушоди анъанавии ҷумҳуриявӣ оид ба гӯштини миллӣ (гӯштингирӣ) бо иштироки варзишгарони дохилию хориҷӣ аз рӯи се вазн- 65кг, 86кг ва +86кг дар сатҳи баланд баргузор гардид.

Дар мусобиқа паҳлавонони тоҷик Шакармаҳмад Мирмамадов, Умар Расулов, Суҳроб Боқиев, Хайрандеш Муродзода, Сорбон Латифов, Абубакр Боқиев, Муҳаммадҷон Лоиқов, Мирзоҷамил Рамазонов, Субҳиддин Халилзода, инчунин варзишгарони Узбекистон Бекмурод Олтибоев, Муҳсин Исомиддинов ва дигарон иштирок карда, бо ҳарифонашон рақобат намуданд.

Сарпарастони мусобиқа Клуби футболи «Истиқлол»-и шаҳри Душанбе, Федератсияи гӯштингирии Тоҷикистон ва Мақомоти иҷрояи ҳокимияти давлатии ноҳияи Данғараи вилояти Хатлон буданд.

Ғолибони мусобиқаи анъанавӣ оид ба гӯштингирӣ дар ноҳияи Данғара

65 кг

1. Сӯҳроб Боқиев (Тоҷикистон)
2. Хайрандеш Муродзода (Тоҷикистон)
3. Артём Штурбабин (Узбекистон)
3. Сорбон Латифов (Тоҷикистон)

86 кг

1. Аҳрор Зиёдуллоев (Узбекистон)
2. Самандарбек Садиров (Узбекистон)
3. Умар Бозоров(Узбекистон)
3. Муҳаммадҷон Лоиқов (Тоҷикистон)

+86 кг

1. Бекмурод Олтибоев (Узбекистон)
2. Муҳсин Исомиддинов (Узбекистон)
3. Шакармамад Мирмамадов (Тоҷикистон)
3. Антон Брачов (Русия)

Ба ғолибони ҷойи якуми мусобиқа 5000$, ҷои дуюм 3000$ ва ҷойҳои сеюм 1500$ тақдим карда шуд.

Меҳрони ҚУРБОН,
АМИТ «Ховар»

АКС: АМИТ «Ховар»