Шаҳбози Аброр раиси нави Ҳизби демократи Тоҷикистон интихоб гардид
ДУШАНБЕ, 11.05.2024. /АМИТ «Ховар»/. Ҷумҳурии Тоҷикистон, ки тибқи Конститутсия давлати демократӣ, ҳуқуқбунёд ва дунявӣ эътироф шудааст, аз рӯзҳои аввали расидан ба истиқлоли давлатӣ барои фаъолияти бисёрҳизбӣ заминаҳои мусоиди меъёрию ҳуқуқӣ фароҳам овардааст.
Ин аст, ки давоми беш аз се даҳсола ҳизбҳои сиёсӣ аз рӯи меъёрҳои баробарҳуқуқӣ фаъолият дошта, дар рушди соҳаҳои гуногуни кишвар саҳми назаррас мегузоранд.
Дар чунин як фазои мусоид 11 майи соли ҷорӣ Ҳизби демократи Тоҷикистон зери роҳбарии муовини аввали раиси ҳизб Аҳмадшоҳ Комилзода Анҷумани ғайринавбатии худро баргузор намуд.
Бо назардошти он ки, тибқи хулосаи шурои сиёсии Ҳизби демократи Тоҷикистон, фаъолияти ҳизб дар давраи солҳои 2022-2024 ғайриқаноатбахш эътироф гашт, пешниҳод шуд, ки дар ҳайати роҳбарикунандаи ҳизб тағйирот ворид карда шавад.
Дар ҳамин замина, вакилони анҷуман номзадии се нафар — Шаҳбози Аброр, Ҷаббор Юлдошев ва Илёсиддин Саидҷаъфаровро ба мақоми раиси ҳизб пешниҳод намуданд. Илёсиддин Саидҷаъфаров ихтиёран номзадиашро бозхонд намуд. Аз ҳайати умумии вакилон, ки 94 нафарро ташкил медод, 64 нафар ба тарафдории Шаҳбози Аброр ва 8 нафар ба ҷонибдории Ҷаббор Юлдошев овоз доданд.
Ҳамин тариқ, дар асоси овоздиҳии кушод Шаҳбози Аброр бо касби теъдоди бештари овозҳо раиси Ҳизби демократи Тоҷикистон интихоб гардид.
Ҳамчунин бо пешниҳоди вакилони анҷуман ва дар асоси овоздиҳӣ Аҳмадшоҳ Комилзода муовини аввал ва Зӯҳро Мирзоева муовини раиси Ҳизби демократи Тоҷикистон интихоб шуданд.
АКС: АМИТ «Ховар»
Имрӯз дар шаҳри Душанбе ҳаво то 31 дараҷа гарм мешавад
«ТОЗАГИИ СОҲИЛ». Дар сойи Тебалайи шаҳри Кӯлоб ҳашари тозагӣ гузаронида шуд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Имрӯз дар ноҳияҳои водигии Тоҷикистон ҳаво то 34 дараҷа гарм мешавад
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок дорад
Чат-боти Доно доир ба кор бо муроҷиати муштариён маълумот медиҳад
Имрӯз дар Тоҷикистон ҳаво то 28 дараҷа гарм мешавад
Дар Душанбе ҳамкории Тоҷикистон бо Созмони ҷаҳонии исломӣ оид ба масъалаҳои маориф, илм ва фарҳанг баррасӣ шуд
Донишгоҳи техникии Тоҷикистон ва Донишкадаи технологияҳои иттилоотии Чанчжоуи Чин ҳамкориро густариш медиҳанд
Сохтмони 36 манзили истиқоматӣ дар деҳаи Сурхоби ноҳияи Фархор ба андозаи 90 фоиз иҷро шудааст
СОЛИ МАЪРИФАТИ ҲУҚУҚӢ. Гурӯҳи корӣ бо сокинону фаъолони шаҳри Хоруғ вохӯрӣ анҷом дод
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
