Вазорати адлияи Ҷумҳурии Тоҷикистон интихоби Раиси Ҳизби демократи Тоҷикистон Шаҳбози Аброрро тибқи риояи қонунгузории мамлакат расман тасдиқ намуд

Май 31, 2024 11:49

ДУШАНБЕ, 31.05.2024 /АМИТ «Ховар»/. Вазорати адлияи Ҷумҳурии Тоҷикистон пас аз 20 рӯзи омӯзиш қарорҳои дахлдори Анҷумани ғайринавбатии XVIII Ҳизби демократи Тоҷикистонро тасдиқ ва нусхаи санади расмии бақайдгирии ҳизби сиёсиро ба номи раиси тозаинтихоби ҳизб Шаҳбози Аброр ба Шурои сиёсии Ҳизби демократи Тоҷикистон ирсол намуд. Дар ин хусус ба АМИТ «Ховар» дар Шурои сиёсии Ҳизби демократи Тоҷикистон хабар доданд.

Аз ҷумла дар мактуби расмии Вазорати адлияи Ҷумҳурии Тоҷикистон омадааст, ки «Ҳизби демократи Тоҷикистон минбаъд фаъолияти оинномавии худро тибқи оинномаи ҳизб идома диҳад».

Ёдовар мешавем, ки 11 майи соли 2024 Ҳизби демократи Тоҷикистон зери роҳбарии муовини аввали раиси ҳизб Аҳмадшоҳ Комилзода Анҷумани ғайринавбатӣ баргузор намуд.

Тибқи хулосаи Шурои сиёсии Ҳизби демократи Тоҷикистон, фаъолияти ҳизб дар давраи солҳои 2022-2024 ғайриқаноатбахш эътироф гашт. Пешниҳод гардид, ки дар ҳайати роҳбарикунандаи ҳизб тағйирот ворид карда шавад.

Вакилони анҷуман номзадии се нафар, аз ҷумла Шаҳбози Аброр, Ҷаббор Юлдошев ва Илёсиддин Саидҷаъфаровро ба мақоми раиси ҳизб пешниҳод намуданд. Илёсиддин Саидҷаъфаров ихтиёран номзадиашро боз хонд.

Аз ҳайати умумии вакилон, ки 94 нафарро ташкил медод, 64 нафар ба тарафдории Шаҳбози Аброр ва 8 нафар ба ҷонибдории Ҷаббор Юлдошев овоз доданд.

Ҳамин тариқ, дар асоси овоздиҳии кушода Шаҳбози Аброр бо гирифтани теъдоди бештари овозҳо раиси Ҳизби демократи Тоҷикистон интихоб гардид.

Ҳамчунин бо пешниҳоди вакилони анҷуман ва дар асоси овоздиҳӣ Аҳмадшоҳ Комилзода муовини аввал ва Зӯҳро Мирзоева муовини раиси Ҳизби демократи Тоҷикистон интихоб шуданд.

АКС аз бойгонӣ

Май 31, 2024 11:49

Хабарҳои дигари ин бахш

Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
Дар Русия Форуми 3-юми рақамӣ оид ба соҳаи тандурустӣ доир шуд
Барои оилаҳои хонаҳояшон дар натиҷаи заминларза вайроншудаи ноҳияҳои Рашт ва Тоҷикобод дар мавзеъҳои амн қитъаи замин ҷудо карда мешавад
Соли 2025 барои занони ҳунарманди шаҳри Хуҷанд 40 грант ҷудо гардид
ЗАМИНЛАРЗА-ҲОДИСАИ НОГАҲОНӢ. Чанд тавсия вобаста ба қоидаҳои бехатарӣ ҳангоми заминларза
Дар ноҳияи Данғара доир ба ҷарроҳии инноватсионӣ ҳамоиш доир гардид
АЗ ҲАЗОРОН КАЪБА ЯК ДИЛ БЕҲТАР АСТ. Соҳибкори ватанӣ маблағи барои ҳаҷ ҷамъкардаашро барои бунёди кӯпрук сарф намуд
Субҳи имрӯз дар қаламрави Тоҷикистон заминларза ба амал омад
Дар шаҳри Турсунзода 4 ҳолати риоя накардани қонун ошкор карда шуд
Зарардидагони заминларзаи водии Рашт ба ҷойҳои бехавф кӯчонида шуданд
Вазъи саломатии сокинони ноҳияҳои Рашт ва Тоҷикобод таҳти назорат қарор дорад