Ба ифтихори ҷашни Истиқлоли давлатӣ беш аз 2 километр роҳи байнидеҳавӣ дар шаҳри Ҳисор пурра мумфарш мегардад

ДУШАНБЕ, 03.06.2024 /АМИТ «Ховар»/. Бо пайравӣ аз сиёсати созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба ҷашни 35-солагии Истиқлоли давлатии Ҷумҳурии Тоҷикистон бо ташаббуси сокинон ва соҳибкорон аз деҳаи Дурбати шаҳри Ҳисор тасмим гирифтанд, ки роҳҳои дохили деҳаро ба масофаи беш аз 2 километр мумфарш ва таъмири ҷорӣ намоянд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор итттилоъ медиҳад.

Ҳоло корҳои мумфаршкунии роҳҳои дохилидеҳавӣ ба таври шабонарӯзӣ бомаром идома дошта, рӯзҳои наздик ба анҷом расонида мешаванд.

Инчунин сокинон дар Муассисаи таҳсилоти миёнаи умумии №22-и деҳаи Дурбат чоҳи об кофта, ин муассисаро бо об таъмин намуданд.

АКС: Мақомоти иҷроияи ҳокимияти давлатии шаҳри Ҳисор