Бори нахуст дар Тоҷикистон биогаз истеҳсол карда шуд
ДУШАНБЕ, 09.06.2024 /АМИТ «Ховар»/. Дар Тоҷикистон бори нахуст аз ҷониби сокини деҳаи Сомғори ноҳияи Бобоҷон Ғафурови вилояти Суғд Шавкат Собитов биогаз истеҳсол карда шуд. Дар хусус ба АМИТ «Ховар» дар хадамоти матбуоти Раиси вилояти Суғд иттилоъ доданд.
Гуфта шуд, ки Шавкат Собитов аввалин нафаре аст, ки аз Тоҷикистон истеҳсоли гази табиӣ аз поруи чорворо таҷриба намуд. Номбурда дар гузашта барои таъмини эҳтиёҷоти рӯзгори худ асосан ҳезум, ангишт ва дигар намуди маводи сӯхт мехарид. Дар ин хонавода ҳоло бо истеҳсоли гази табиӣ кулли хароҷот барои хариди дигар навъи сӯзишворӣ аз байн рафт.
Дар инҷо гази табиӣ тариқи таҷҳизоти биореактор истеҳсол карда мешавад. Таҷҳизот поруи бо об омехтаро коркард намуда, биогаз ва бионурӣ истеҳсол мекунад. Биогазро барои пухтани хӯрок ё гарм кардани об истифода бурдан мумкин аст.
Иттилоъ дода шуд, ки дар натиҷаи амалӣ намудани ин таҷриба бионурӣ низ истеҳсол мешавад, ки ҳосилхезии заминро беҳтар менамояд.
Бояд гуфт, ки барои мутобиқшавӣ ба тағйирёбии иқлим, ки дар ин самт Ҳукумати Ҷумҳурии Тоҷикистон пайваста тадбирҳои заруриро дар сатҳи минтақа ва ҷаҳон амалӣ менамояд, ташкилоти ҷамъиятии «Нексигол Мушовир» бо дастгирии шарикони рушд дар 7 шаҳру ноҳияи мамлакат барои хонаводаҳои деҳот ба таври таҷрибавӣ дастгоҳҳои истеҳсоли биогазро дастрас ва васлу насб намуд.
Зимни ба кор даровардани аввалин дастгоҳи истеҳсоли биогаз дар деҳаи Сомғори ноҳияи Бобоҷон Ғафуров намояндагони Мақомоти иҷроияи ҳокимияти давлатии вилояти Суғд ва шарикони рушд иштирок намуда, иброз доштанд, ки бо кумаки ин технология хонаводаҳои деҳот ва хоҷагиҳои чорвопарварӣ бар ивази сӯхтани пору акнун метавонанд ҳам дорои манбаи энергияи тоза барои хӯрокпазӣ ва гармкунии хонаҳо шаванд ва ҳам барои баланд бардоштани ҳосилхезии заминҳояшон бионурӣ истеҳсол кунанд. Технологияи биореакории истеҳсоли биогаз дар байни давлатҳои Осиёи Марказӣ маротибаи аввал дар Тоҷикистон истифода шуд.
Мақсад аз он таъмини хонаводаҳои деҳот бо сӯзишвории тоза ва арзон, кам кардани партови метан ба атмосфера ва ҳамин тариқ маҳдуд намудани гармшавии глобалӣ арзёбӣ мешавад.
АКС: Хадамоти матбуоти Раиси вилояти Суғд/манбаъҳои боз
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
