Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд

Июнь 7, 2024 11:00

ДУШАНБЕ, 07.06.2024. /АМИТ «Ховар»/. 6 июн дар Донишгоҳи давлатии Кӯлоб ба номи Абуабдуллоҳи Рӯдакӣ дар мавзуи «Муносибати босалоҳият — асоси арзёбии раванди таълим дар синфҳои ибтидоӣ» конференсияи  ҷумҳуриявии илмӣ-назариявӣ баргузор гардид. Дар ин хусус ба АМИТ «Ховар» дар Донишгоҳи давлатии Кӯлоб ба номи Абуабдуллоҳи Рӯдакӣ хабар доданд.

Иштирокчиён зимни маърузаҳо таъкид намуданд, ки дар шароити кунунии Тоҷикистон вобаста ба дастрасии воситаҳои иттилоотӣ (интернет, телевизион ва ғайра) танҳо бо дониш мусаллаҳ намудани хатмкунандагони муассисаҳои таҳсилоти миёнаи умумӣ кифоя набуда, дар амал истифода бурдани донишу малакаҳо муҳимтарин роҳи ба натиҷаҳои дилхоҳ расидан аст. Имрӯз вазифаи маорифи муосир аз он иборат аст, ки насли наврасро барои зиндагӣ дар олами нав омода намояд. Воқеият ин аст, ки донишҳои имрӯз омӯхта фардо бояд ба насли наврас хизмати шоиста карда тавонанд.

Таъкид карда шуд, ки барои ташаккул додани дониш, маҳорат ва малакаи муайян яке аз роҳҳои муфид- ин ҷорӣ намудани муносибати босалоҳият ба таълим мебошад. Худи мафҳуми «салоҳиятнокӣ»-ро мавриди баррасӣ қарор дода, олимон ба моҳияти он хусусияти гуногуни арзишию маъноиро нисбат медиҳанд. Гуфта мешавад, ки салоҳиятнокӣ- ин низоми дониши амалкунанда мебошад, ки фаъолияти амалӣ ва бошуури таълимро инъикос менамояд.

Кори конференсия  дар ду бахш: «Саҳми Пешвои миллат дар такмили муносибати босалоҳият дар таълими синфҳои ибтидоӣ» ва «Аҳаммият ва нақши омӯзгор дар муносибати босалоҳият ба таълим дар муассисаҳои таҳсилоти миёнаи умумӣ» бо баррасии мақолаҳои илмии олимону донишмандон баргузор гардид.

АКС: Донишгоҳи давлатии Кӯлоб ба номи Абуабдуллоҳи Рӯдакӣ

Июнь 7, 2024 11:00

Хабарҳои дигари ин бахш

То ҷашни 35-солагии Истиқлоли давлатӣ дар Хатлон 165 иншооти соҳаи маориф сохта мешавад
Лоиҳаи Стратегияи рушди Донишкадаи ҷумҳуриявии такмили ихтисос ва бозомӯзии кормандони соҳаи маориф муаррифӣ гардид
Хонандагони тоҷик дар Олимпиадаи байналмилалии «ISPHO» соҳиби ду ҷои сеюм шуданд
Дар 150 муассисаи таълимии шаҳри Душанбе барномаи электронии «eDonish» фаъол гардид
Соли равон 2 ҳазору 233 нафар машғулиятҳои кӯтоҳмуддати касбомӯзиро хатм намуданд
Намояндагони Тоҷикистон дар Конференсияи байналмилалии «Инфо-Стратегия: «Ҷомеа, давлат, маориф» иштирок намуданд
Маркази миллии тестӣ: «20 июл натиҷаҳои имтиҳонҳои дохилшавӣ эълон мегарданд»
Дар Душанбе парки техникии Тоҷикистону Туркия таъсис дода мешавад
Донишгоҳи давлатии Бохтарро 53 нафар бо дипломи аъло хатм намуд
Фаъолияти назарраси Донишкадаи Конфутсий дар Тоҷикистон шаҳодати сатҳи баланди ҳамкории ду мамлакат дар соҳаи илму фарҳанг мебошад
55 донишҷӯ Донишгоҳи техникии Тоҷикистонро бо дипломи аъло хатм намуд
Жило Гулназарзода: «22 донишҷӯ дар Кореяи Ҷанубӣ, Ҷопон ва Чин таҳсил доранд»