РУШДИ САНОАТ. Дар Минтақаи озоди иқтисодии «Кӯлоб» сохтмони корхонаи коркарди намак, истеҳсоли равған ва набот идома дорад
ДУШАНБЕ, 15.06.2024 /АМИТ «Ховар»/. Дар асоси дастуру супоришҳои Президенти мамлакат муҳтарам Эмомалӣ Раҳмон вобаста ба кам кардани талафоти нерӯи барқ дар Минтақаи озоди иқтисодии «Кӯлоб» сохтмони зеристгоҳи барқи 110/35/10 кВ бо насби 2 адад трансформатори тавоноиашон баланд дар марҳилаи анҷомёбӣ қарор дорад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Кӯлоб.
Айни замон дар Минтақаи озоди иқтисодии «Кӯлоб» 8 субъект ба фаъолияти истеҳсолӣ машғул мебошад. Аз ҷумла, корхонаи истеҳсоли қисмҳои автомобилӣ ҳавотозакунакҳои (филтрҳои) ҳавоӣ ва равғанӣ барои автомашинаҳоро истеҳсол менамояд. Фаъолияти ин корхона аз ҷониби ҶДММ «Тоҷик Алмос» ба роҳ монда шуда, дар 4 моҳи соли 2024 — 8100 адад ҳавотозакунакҳо ба маблағи 29,3 ҳазор сомонӣ истеҳсол намудааст. Дар корхонаи мазкур айни ҳол 20 нафар кормандон, аз ҷумла 14 нафар аз ҳисоби занҳои хонашини маҳаллӣ кор карда истодаанд.
Аз ҷониби ҶДММ «Кӯлоб агросаноат» ҳамчун субъекти дуюм бунёди корхонаҳои саноатӣ, аз ҷумла корхонаи коркарди намак, истеҳсоли равған, набот ва банду басти намаки ошӣ идома дорад.
Аз ҷониби ҶДММ «Кӯлоб Пласт» бошад сохтмони корхонаи истеҳсоли маҳсулот аз пластмасса оғоз гардидааст.
Зимнан дар Минтақаи озоди иқтисодии Кӯлоб панҷарабандӣ ба масофаи 5,9 км анҷом ёфта, корҳо иловатан марҳила ба марҳила идома ёфта истодааст.
Сохтмони бинои маъмурии Минтақаи озоди иқтисодии «Кӯлоб», меҳмонхона барои 20 ҷой ва гузаргоҳи гумрукӣ идома доранд.
Чоҳи амудӣ барои таъмини оби нушокӣ канда шуда, барои кашидани хатти алоқаи кабелии телефонӣ ва интернетӣ ба Минтақаи озоди иқтисодии «Кӯлоб» корҳои назаррас ба анҷом расонида шудааст.
Хотиррасон мешавем, ки Минтақаи озоди иқтисодии «Кӯлоб» бо дастгирии Президенти Ҷумҳурии Тоҷикистон муҳтарам Эмомалӣ Раҳмон дар майдони беш аз 309 гектар таъсис дода шудааст. Бо ҷалби сармояи хориҷӣ, хусусан сармояи мустақими хориҷӣ маъмурияти Минтақаи озоди иқтисодии «Кӯлоб» 7 шартнома ба маблағи беш аз 2 миллиард сомонӣ барои бунёди корхонаҳои саноатӣ ба имзо расонидааст.
Рухсораи НУР,
АМИТ «Ховар»
АКС: Мақомоти иҷроияи ҳокимияти давлатии шаҳри Кӯлоб.
НИШАСТИ МАТБУОТӢ. Дар ноҳияи Лахш 90 иншооти таъйиноти гуногун ба истифода дода шуд
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
Дар вилояти Суғд ба маблағи 20,5 миллиард сомонӣ маҳсулоти саноатӣ истеҳсол гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
35-СОЛАГИИ ИСТИҚЛОЛИ ДАВЛАТӢ. Дар вилояти Суғд сохтмони иншооти иҷтимоӣ вусъат меёбад
