Дар шаҳри Риёз бо ибтикори Сафорати Тоҷикистон доир ба Конфронси оби Душанбе брифинг баргузор шуд
ДУШАНБЕ, 07.06.2024 /АМИТ «Ховар»/. 6 июн дар бинои Сафорати Ҷумҳурии Тоҷикистон дар Подшоҳии Арабистони Саудӣ бахшида ба Конференсияи сеюми байналмилалии сатҳи баланд оид ба татбиқи «Даҳсолаи байналмилалии амал «Об барои рушди устувор, солҳои 2018-2028», ки 10-13 июн дар шаҳри Душанбе баргузор мегардад, брифинг доир шуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Подшоҳии Арабистони Саудӣ хабар медиҳад.
Чорабинӣ дар ҳамкорӣ бо дафтари ҳамоҳангсози муқими Созмони Милали Муттаҳид ва намояндаи доимии Барномаи рушди Созмони Милали Муттаҳид (UNDP) дар Арабистони Саудӣ доир карда шуд.
Дар брифинг сафирон ва кормандони корпуси дипломатии муқими Риёз ва намояндагони васоити ахбори оммаи кишвари иқомат иштирок намуданд.
Сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ зимни суханронӣ доир ба «Раванди оби Душанбе», корҳои тадорукотӣ ба Конфронсии оби Душанбе ва ҳадафҳои он тавассути рӯнамо маълумоти муфассал пешниҳод кард.
Бо таъкид ба нақши калидии Тоҷикистон дар пешбурди масъалаи об дар сатҳи ҷаҳонӣ, дар бораи аҳаммияти ташаббусҳои глобалии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар пешбурди Ҳадафҳои рушди устувор, аз ҷумла ҳадафҳои марбут ба обу иқлим изҳори андеша карда шуд.
Инчунин дар брифинг ҳамоҳангсози муқими Созмони Милали Муттаҳид Муҳаммад Аз-Зарқонӣ ва муовини намояндаи доимии Барномаи рушди Созмони Милали Муттаҳид (UNDP) дар Арабистони Саудӣ Маргарет Виллиамс дар бораи аҳаммияти Конфронси оби Душанбе ва нақши муассири Тоҷикистон дар пешбурди масъалаҳои марбут ба об дар доираи татбиқи ҳадафҳои Рӯзномаи рушди устувор (2030) суханронӣ намуданд.
Дар ҷараёни брифинг муҳокимаи озод дар бораи ҳадафҳо ва аҳаммияти Конфронси оби Душанбе анҷом дода шуд.
АКС: Сафорати Ҷумҳурии Тоҷикистон дар Подшоҳии Арабистони Саудӣ
Cафири Тоҷикистон бо раиси Бонки марказии Баҳрайн мулоқот намуд
Дар шаҳри Москва машваратҳои байниидоравии Тоҷикистону Русия доир гардиданд
Дар Душанбе муносибатҳои дуҷонибаи Тоҷикистон ва Амрико баррасӣ гардиданд
Дурнамои рушди ҳамкории Тоҷикистон ва Баҳрайн дар бахшҳои гуногун баррасӣ шуд
Сафири Тоҷикистон ба Подшоҳи Нидерланд эътимоднома супорид
Сарвазири Тоҷикистон Қоҳир Расулзода бо директори минтақавии Бонки ҷаҳонӣ дар Осиёи Марказӣ Винни Вэй Ванг мулоқот намуд
Президенти Ҷумҳурии Тоҷикистон дар Саммити Созмони ҳамкории иқтисодӣ дар Озарбойҷон иштирок менамоянд
Дар Душанбе ҷаласаи навбатии Комиссияи байниҳукуматии Тоҷикистону Туркия баргузор мегардад
Тоҷикистон ва Қирғизистон рушди мунтазами муносибатҳои дуҷонибаро таъкид карданд
Сафири Тоҷикистон бо Раиси иҷроии Фонди рушди саудӣ мулоқот намуд
Сироҷиддин Муҳриддин дар нишасти Шурои вазирони корҳои хориҷии Созмони Аҳдномаи амнияти дастҷамъӣ иштирок намуд
Ба муносибати Рӯзи ваҳдати миллӣ дар Сафорати Ҷумҳурии Тоҷикистон дар Давлати Кувайт чорабинии тантанавӣ доир гардид
