РАВАНДИ ОБИ ДУШАНБЕ. «Воқеияти маҷозӣ» — муаррифи иқтидори обию энергетикӣ ва манзараҳои дилфиреби Тоҷикистон ба меҳмонон
ДУШАНБЕ, 13.06.2024 /АМИТ «Ховар»/. Дар доираи Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 дар “Кохи Сомон” гӯшае таҳти унвони «Воқеияти маҷозӣ» ташкил гардид, ки ҳадафаш тавассути технологияи муосир муаррифии иқтидори обию сайёҳии Тоҷикистон, манзараҳои дилфиреби он ва иншооти бузурги гидроэнергетикии Тоҷикистон мебошад.
Тавре дар суҳбат ба хабарнигори АМИТ «Ховар» ассистенти Барнома оид ба обтаъминкунӣ ва беҳдошти Бунёди байналмилалии атфоли Созмони Милали Муттаҳид /ЮНИСЕФ/ дар Тоҷикистон Таҳмина Назарова иброз намуд, барнома бо дастгирӣ ва кумаки техникии Иттиҳоди Аврупо таҳия ва пешниҳоди меҳмонон гардонида шуд. Бисёре аз меҳмонон зимни тамошои манзараҳои ҷолибу дилфиреб ва нотакрори Тоҷикистон, аз ҷумла кӯҳҳои сарбафалаккашидаи Помир, Зарафшон, Ҳисор, кӯли Сарез, дарёи Сиёма, неругоҳҳои барқи обии «Роғун», «Норак» ва олами бойи набототу ҳайвонот, ки тавассути барнома пешниҳод гардиданд, ба ваҷд омада, аз тамошои манзараҳои нотакрори Тоҷикистон ангушти ҳайрат газиданд.
Тавре ҳамсуҳбати мо таъкид намуд, чунин гӯша ду сол муқаддам дар доираи Конфронси дуюми оби оби Душанбе- моҳи июни соли 2022 созмон ёфта буд.
Марзия САИДЗОДА,
АМИТ «Ховар»
АКС: АМИТ «Ховар»
САҲМИ ПРЕЗИДЕНТИ ТОҶИКИСТОН ДАР ҲАЛЛИ МУШКИЛОТИ ҶАҲОНИИ ЭКОЛОГӢ: аз обу иқлим то зеҳни сунъӣ. Андешаҳо дар ин маврид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Оид ба ташаббусҳои глобалии Тоҷикистон дар соҳаи ҳифзи пиряхҳо конфронси илмии ҷумҳуриявӣ доир шуд
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
Ташаббуси Тоҷикистон дар СММ: масъулияти байнинаслӣ ҳамчун парадигмаи нави ҳуқуқи сулҳ. Андешаҳо дар ин маврид
Доир ба Даҳсолаи байналмилалӣ оид ба таҳкими сулҳ барои наслҳои оянда дар Ҳисор ҳамоиш баргузор шуд
