«ТОҶИКОНА МЕПӮШЕМ!». Бонувони Китобхонаи миллии Тоҷикистон либоси миллиро тарғиб менамоянд
ДУШАНБЕ, 22.06.2024 /АМИТ «Ховар»/. Бонувони Китобхонаи миллии Тоҷикистон иқдоми тарғиботию ташвиқотии «Тоҷикона мепӯшем!»-ро ҷонибдорӣ намуда, бо пӯшидани пироҳани атласу адрас ва чакан, ки сад рангу сад намудро дар бар мегирифт, бори дигар зебоии либоси миллиро собит сохтанд, хабар медиҳад АМИТ «Ховар» бо истинод ба Китобхонаи миллӣ.
Бонувон дар атрофи китобхона, ки ҳама ҷо мисли куртаҳои тоҷикии онҳо гулрезу гулпӯш аст, сайру гашт намуда, бо занону духтарони роҳгузар оид ба таърихи либоси миллӣ ва тарзи пӯшидани он суҳбатҳо гузарониданд.
Бонувони Китобхонаи миллӣ ҳамсуҳбатони худро даъват намуданд, ки дар таблиғ ва муосиргардонии либоси миллӣ, ки он яке аз воситаҳои асосии шинохти миллат дар ҷаҳон аст, саҳмгузор бошанд.
Бояд гуфт, ки имрӯзҳо бо мақсади арҷгузорӣ ба анъанаҳои неки миллӣ, дар руҳияи ватандӯстиву худшиносӣ, баланд бардоштани ҳисси зебоипарастӣ, тарғиби ахлоқи либоспӯшӣ дар ҷумҳурӣ пӯшидани атлас, адрас, чакан, алоча ва дигар либосҳои миллӣ баргузор мешавад.
Либос як рукни муҳими фарҳанги миллӣ ба шумор рафта, ёдгоре аз гузаштагон аст, ки дар тӯли қарнҳо зебоиашро гум накардааст.
АКС: Китобхонаи миллии Тоҷикистон
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
