Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад

Июль 9, 2024 08:49

ДУШАНБЕ, 09.07.2024 /АМИТ «Ховар»/. Байни Агентии миллии иттилоотии Тоҷикистон «Ховар»-и Тоҷикистон ва рӯзномаи «Жэнмин Жибао»-и Чин Ёддошти тафоҳум дар бораи ҳамкории мутақобила ба имзо расид. 5 июли соли равон пас аз мулоқоту музокироти сатҳи олии Тоҷикистону Чин, ки дар шаҳри Душанбе бо иштироки сарони ҳар ду давлат – муҳтарам Эмомалӣ Раҳмон ва муҳтарам Си Ҷинпин доир гардид, ин санад аз ҷониби Директори АМИТ «Ховар» ва Сафири Ҷумҳурии Мардумии Чин дар Тоҷикистон табодул карда шуд.

Директори Агентии миллии иттилоотии Тоҷикистон «Ховар» Субҳидддин Шамсиддинзода иброз намуд, ки «ба имзо расидани санади мазкур дар тақвияти муносибатҳои фарҳангии ду давлат, ҳамкории воситаҳои ахбори оммаи Ҷумҳурии Тоҷикистон ва Ҷумҳурии Мардуми Чин нақши муҳим хоҳад гузошт. Нашрияи расмии Кумитаи Марказии Ҳизби коммунистии Чин «Жэнмин-Жибао» яке аз рӯзномаҳои маъруфи ҷаҳон маҳсуб шуда, бо 14 забон нашр мешавад.Соли 2015 тиражи рӯзнома ба 3 миллиону 500 ҳазор расида, ҳамасола беш аз 100 ҳазор нусха меафзояд. Дар рӯзнома зиёда аз 1000 рӯзноманигор дар 70 филиалҳои он дар давлатҳои ҷаҳон фаъолият мебаранд».

Директори АМИТ «Ховар» ёдовар шуд, ки аз 10 то 16 июни соли равон гурӯҳи хабарнигорони рӯзномаи «Жэнмин Жибао» дар доираи ташаббуси «Як камарбанд, як роҳ» дар Ҷумҳурии Тоҷикистон қарор доштанд. 14-15 июн хабарнигорони АМИТ «Ховар» ҳамкасбони худро аз рӯзномаи «Жэнмин Жибао» дар саёҳати матбуотӣ, ки дар ҳудуди пойтахти Тоҷикистон — шаҳри Душанбе баргузор гардид, ҳамроҳӣ карданд.

«Рӯзномаи «Жэнмин-Жибао» дар бораи Тоҷикистон, ки Чинро яке аз шарикони муҳими сиёсию иқтисодӣ медонад, маводи зиёд ба нашр мерасонад. Ёдовар мешавем, ки 4 сентябри соли 2017 мусоҳибаи Президенти Ҷумҳурии Тоҷикистон Эмомалӣ Раҳмон дар рӯзномаи «Жэнмин жибао» таҳти сарлавҳаи «Эътимоди сиёсӣ ва ҳамкории мутақобилаи Тоҷикистон ва Чин ба сатҳи бесобиқаи олӣ расиданд» ба чоп расид. Мусоҳибаи мазкур қабл аз баргузории Ҳамоиши навбатии БРИКС дар шаҳри Сямэн, ки Президенти Тоҷикистон Эмомалӣ Раҳмон ҷиҳати иштирок дар ин чорабинӣ дар Ҷумҳурии Мардумии Чин қарор доштанд, омода гардид», — афзуд Субҳидддин Шамсиддинзода.

АКС: АМИТ «Ховар»

Июль 9, 2024 08:49

Хабарҳои дигари ин бахш

Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
22 июл дар Тоҷикистон нишастҳои матбуотии вазорату идораҳо оғоз мегарданд
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд