Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти байналмилалии Агроаксияи Олмон Ёддошти тафоҳум ба имзо расид
ДУШАНБЕ, 03.07.2024 /АМИТ «Ховар»/. Байни Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Ташкилоти байналмилалии Агроаксияи Олмон Ёддошти тафоҳум ба имзо расид, хабар доданд ба АМИТ «Ховар» дар ин кумита.
Ёддошти тафоҳум имрӯз дар вохӯрии раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ ва Директори Ташкилоти байналмилалии Агроаксияи Олмон Ёоханнес Калтенбах ба имзо расид.
Зимни мулоқот Фарҳод Раҳимӣ дар бораи фаъолияти кумита маълумоти муфассал дода, гуфт, ки дар Тоҷикистон 63 муассисаи таҳсилоти ибтидоии касбии давлатӣ ва 2 муассисаи ғайридавлатӣ фаъолият дошта, шуғлу касбҳои талаботи замони муосирро ба шаҳрвандони ҷумҳурӣ меомӯзанд.
Кумита оид ба таҳсилоти ибтидоӣ ва миёнаи касбӣ дар оянда талош меварзад, ки бо дастгирии Ҳукумати Ҷумҳурии Тоҷикистон дар ҳамкорӣ бо шарикони рушд муассисаҳои таҳсилоти ибтидоии касбиро бо таҷҳизоту техникаи муосир таъмин намояд.
Директори Ташкилоти байналмилалии Агроаксияи Олмон Ёоханнес Калтенбах барои пазироӣ ва меҳнавозии хоси тоҷикона миннатдорӣ намуда, аз ҳамкории судманди Тоҷикистону Олмон ҷиҳати соҳибкасб намудани шаҳрвандон ёдовар гардид.
Иброз шуд, ки Ташкилоти байналмилалии Агроаксияи Олмон дар доираи ҳамкорӣ дар деҳаи Вранги ноҳияи Ишкошими Вилояти Мухтори Кӯҳистони Бадахшон Муассисаи давлатии «Литсейи касбии техники»-ро пурра навсозӣ намуда, онро бо техника ва таҷҳизоти муосир муҷаҳҳаз гардонид.
Ҳамзамон ташкилот тасмим гирифтааст, ки дар ояндаи наздик дар ноҳияи Лахш Литсейи касбии техникии муосир сохта, мавриди истифода қарор диҳад.
Дар вохӯрӣ Фарҳод Раҳимӣ ба Директори Ташкилоти байналмилалии Агроаксияи Олмон Ёоханнес Калтенбах барои дастгириҳои пайваста миннатдорӣ намуда, пешниҳод кард, ки дар доираи имкониятҳои ташкилот дар ноҳияи Шамсиддин Шоҳин низ ҷиҳати таъсиси Литсейи касбии техникӣ мусоидат намоянд.
Аз ҷониби Директори Ташкилоти байналмилалии Агроаксияи Олмон Ёоханнес Калтенбах пешниҳоди мазкур хуб пазируфта шуда, таъкид гардид, ки дар ояндаи наздик сохтмони муассисаи мазкур ба нақша гирифта мешавад.
Бояд гуфт, ки Ташкилоти байналмилалии Агроаксияи Олмон аз соли 1994 дар Ҷумҳурии Тоҷикистон фаъолият намуда, шуруъ аз соли 2015 дар бахши таҳсилоти ибтидоии касбӣ ва таҳсилоти калонсолон дар Тоҷикистон саҳм гузошта истодааст.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар даври сеюми имтиҳонҳои марказонидаи дохилшавӣ беш аз 16 ҳазор нафар донишҷӯ шуданд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
