ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ДУШАНБЕ, 12.07.2024 /АМИТ «Ховар»/. Имрӯз дастаи мунтахаби ҷавонони то 20 солаи Тоҷикистон оид ба футбол дар мусобиқоти қаҳрамонии Ассотсиатсияи футболи Осиёи Марказӣ бозии ниҳоии худро анҷом медиҳад. Дар ин хусус корманди Федератсияи футболи Тоҷикистон Наимҷон Қурбонов аз макони баргузории мусобиқот ба шореҳи варзиши АМИТ «Ховар» Меҳрони Қурбон хабар дод.
Дар рақобат барои ҷойи сеюм дастаи мунтахаби ҷавонони Тоҷикистон бо дастаи мунтахаби ҷавонони Узбекистон байни ҳам вомехӯрад. Ин вохӯрӣ дар варзишгоҳи «Қурмонбек»-и шаҳри Ҷалолободи Қирғизистон баргузор шуда, соати 16:00 ба вақти Душанбе оғоз мешавад.
Хотиррасон мешавем,ки дастаи мунтахаби ҷавонони то 20 -солаи Тоҷикистон оид ба футбол дар даври дуюми мусобиқоти қаҳрамонии Ассотсиатсияи футболи Осиёи Марказӣ дастаи мунтахаби ҷавонони Афғонистонро мағлуб кард. Бозӣ 7 июл дар варзишгоҳи «Қурмонбек»-и шаҳри Ҷалолободи Қирғизистон баргузор шуда, бо ҳисоби 1:0 ба фоидаи дастаи мунтахаби ҷавонони Тоҷикистон анҷом ёфт. Аз ҳайати дастаи мунтахаби ҷавонони Тоҷикистон Азизбек Далиев ягона голи бозиро ба нишон расонид. Ҳамчунин 9 июл дастаи мунтахаби ҷавонони Тоҷикистон бо ҳамсолони худ аз Қирғизистон бо ҳисоби мусовӣ 0:0 бозӣ намуданд.
Инчунин дар бозии финалӣ бошад, дастаҳои мунтахаби ҷавонони Эрон ва Қирғизистон байни ҳам вориди рақобат мешаванд. Ёдовар мешавем, ки дар тамоми бозиҳои чемпионати Ассотсиатсияи футболи Осиёи Марказӣ байни дастаҳои ҷавонони то 20-сола дар Қирғизистон системаи видеодовар-VAR истифода мешавад.
АКС: Федератсияи футболи Тоҷикистон
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
