Дар шаҳри Истаравшан Фестивали саводнокии молиявӣ доир гардид
ДУШАНБЕ, 06.07.2024 /АМИТ «Ховар»/. Бо ташаббуси Бонки миллии Тоҷикистон ва намояндагони ташкилотҳои қарзии молиявӣ, суғуртавӣ ва шарикони рушд дар шаҳри Истаравшан Фестивали «Саводнокии молиявӣ» баргузор гардид, хабар медиҳад АМИТ «Ховар» бо истинод ба Бонки миллии Тоҷикистон.
Роҳбарияти шаҳри Истаравшан ва намояндаи Бонки миллии Тоҷикистон вобаста ба муҳиммияти баланд бардоштани сатҳи саводнокии молиявии аҳолӣ, доир ба ҳадафҳои асосии баргузор намудани Фестивали саводнокии молиявӣ сухан намуданд.
Дар идома мутахассисони Бонки миллӣ ва намояндагони ташкилотҳои қарзии молиявӣ доир ба саводнокии молиявӣ, аз ҷумла рушди ҳисоббаробаркунии ғайринақдӣ дар заминаи технологияҳои муосир, пешгирии амалҳои қаллобони молиявӣ, нақши ташкилотҳои молиявӣ дар баланд бардоштани сатҳи саводнокии молиявии аҳолӣ, инчунин роҳҳои қаллобии молиявӣ ва ошкор намудани он маърӯза намуданд.
Инчунин дар ҷараёни фестивал озмунҳо гузаронида шуда, ба ғолибон туҳфаҳои хотиравӣ, аз қабили телевизор, планшет, телефони мобилӣ ва гушмонакҳои бесим тақдим гардид.
АКС: Бонки миллии Тоҷикистон
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
