Намояндаи доимии Тоҷикистон дар ҷаласаи Шурои амнияти Созмони Милали Муттаҳид иштирок намуд
ДУШАНБЕ, 20.07.2024 /АМИТ «Ховар»/. 19 июл Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат дар мубоҳисаҳои Шурои амнияти Созмони Милали Муттаҳид оид ба мавзӯи «Ҳамкории СММ ва созмонҳои минтақавӣ ва зерминтақавӣ бо мақсади ҳифзи сулҳу амнияти байналмилалӣ: ҳамкории Созмони Милали Муттаҳид ва Созмони Аҳдномаи амнияти дастҷамъӣ, Иттиҳоди Давлатҳои Мустақил ва Созмони ҳамкории Шанхай» иштирок ва суханронӣ намуд. Дар ин хусус ба АМИТ «Ховар» дар Намояндагии доимии Ҷумҳурии Тоҷикистон дар Созмони Милали Муттаҳид хабар доданд.
Намояндаи доимии Тоҷикистон изҳор дошт, ки равобити Созмони Милали Муттаҳид бо Созмони ҳамкории Шанхай, Иттиҳоди Давлатҳои Мустақил ва Созмони Аҳдномаи амнияти дастҷамъӣ бояд намунаи ҳамкории муассир байни сохторҳои глобалӣ ва минтақавӣ бошад ва ба ин созмонҳои минтақавӣ имкон диҳад, ки кӯшишҳои Созмони Милали Муттаҳид ва Шурои Амнияти онро барои нигоҳ доштани сулҳ ва амнияти байналмиллалӣ мукаммал созанд.
Инчунин тазаккур дода шуд, ки таҳдиду чолишҳои амниятӣ зарурати тавсеаи ҳамкории Созмони Милали Муттаҳид ва созмонҳои минтақавии мазкуро тақозо намуда, дар ин замина таҳияи абзорҳои ҳамкории нав дар самти мубориза бо терроризм ва гардиши маводи мухаддир низ муҳим арзёбӣ мегардад.
Дар фарҷом таъкид гардид, ки Тоҷикистон минбаъд низ дар рушди ҳамкории гуногунҷанбаи Созмони ҳамкории Шанхай, Иттиҳоди Давлатҳои Мустақил ва Созмони Аҳдномаи амнияти дастҷамъӣ бо Созмони Милали Муттаҳид ҷиҳати ҳифзи сулҳу амнияти байналмилалӣ саҳм хоҳад гузошт.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Намояндаи Тоҷикистон дар ҳамоиши Созмони ҳамкории исломӣ иштирок намуд
Сафири Тоҷикистон бо роҳбарияти «Caspian Energy Club» мулоқот намуд
Ҳамкории Тоҷикистон бо Созмони ҳамкории исломӣ баррасӣ гардид
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
Сафири Тоҷикистон бо Вазири давлатӣ дар умури шаҳрдорӣ ва вазири давлатӣ дар умури маскани Кувайт мулоқот намуд
Дурнамои рушди ҳамкории Тоҷикистону Амрико баррасӣ шуд
Ҳамкории Тоҷикистон ва Кувайт оид ба бахши сармоягузорӣ ва сайёҳӣ баррасӣ гардид
Сафири Тоҷикистон дар Австрия дар Симпозиуми байналмилалии об иштирок намуд
Дар Туркманистон нишасти вазирони корҳои хориҷии кишварҳои Осиёи Марказӣ ва Озарбойҷон баргузор гардид
Ашрафҷон Гулов бо Сафири навтаъйини Амороти Муттаҳидаи Араб дар Ҷумҳурии Тоҷикистон Носир Ҳувайдин Зайбон Алӣ Ал-Катбӣ мулоқот намуд
Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд
Сафири Тоҷикистон бо фаъолияти рӯзномаи «The Times Kuwait» шинос шуд
