Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
ДУШАНБЕ, 16.07.2024 /АМИТ «Ховар»/. 15 июл дар шаҳри Ню-Йорк Форуми сиёсии сатҳи баланд оид ба рушди устувор (HLPF-2024) баргузор гардид, ки дар кори он муовини якуми Сарвазири Ҷумҳурии Тоҷикистон Ҳоким Холиқзода иштирок ва суханронӣ намуд. Дар ин хусус ба АМИТ «Ховар» дар Намояндагии доимии Ҷумҳурии Тоҷикистон дар Созмони Милали Муттаҳид хабар доданд.
Ҳоким Холиқзода зимни суханронӣ доир ба татбиқи Ҳадафҳои Рушди Устувор (SDG/ҲРУ) барои соли 2024 иброз намуд, ки танҳо 17 фоизи ҳадафҳои мазкур иҷро гардида, қариб нисфи онҳо дар сатҳи пешрафти ҳадди ақал ё миёна қарор доранд ва дар зиёда аз сеяки онҳо пешрафт дида намешавад ё суст ба назар мерасад.
Ҳамчунин гуфта шуд, ки барои ноил шудан ба пешрафт дар ин самт вусъати ҳамкории байналмилалӣ ва дастгирии молиявиву фаннии шарикони рушд дар тамоми ҷанбаҳои иқтисодӣ, иҷтимоӣ ва экологӣ зарур мебошад.
Иттилоъ дода шуд, ки имрӯз таҳти роҳбарии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ислоҳоти ҷорӣ дар Тоҷикистон дар татбиқи Ҳадафҳои Рушди Устувор ба пешравиҳои назаррас ноил гардидаанд.
Дар панҷ соли охир Тоҷикистон тавонист рушди иқтисодиро дар сатҳи миёнаи солонаи 7,4 дарсад нигоҳ дорад ва Маҷмуи Маҳсулоти Дохилӣ ба ҳар сари аҳолӣ 2,3 баробар афзуда, сатҳи камбизоатӣ дар мамлакат аз 83 дарсади соли 2003 то 21,2 дарсад дар соли 2023 коҳиш ёфт. Дар давоми панҷ соли охир сатҳи некуаҳволии мардум пай дар пай баланд шуда, даромади аҳолӣ 4,4 баробар афзуд. Музди миёнаи кор 2,1 баробар, нафақа 1,9 баробар зиёд гардид.
Дар ҷараёни форум доир ба ташаббусҳои байналмилалии Тоҷикистон дар самти обу иқлим ва ҳифзи пиряхҳо, аз ҷумла натиҷаҳои Конфронси сеюми сатҳи баланд оид ба Даҳсолаи байналмилалии «Об барои рушди устувор, 2018-2028» маълумот пешниҳод гардида, даъват шуд, ки иштирокдорони чорабинӣ дар конфронси байналмилалии сатҳи баланд оид ба ҳифзи пиряхҳо, ки соли 2025 дар Душанбе баргузор мегардад, иштирок намоянд.
АКС: Намояндаги доимии Ҷумҳурии Тоҷикистон дар Созмони Милали Муттаҳид
Манзараҳои зебои табиати Тоҷикистон дар «Pakistan TV Digital» намоиш дода мешавад
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
