Ҳамкории Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск густариш меёбад
ДУШАНБЕ, 22.08.2024. /АМИТ «Ховар»/. Дар доираи Созишномаи ҳамкорӣ байни Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск, ки моҳи феврали соли 2024 ба имзо расонида шуд, ҷонибҳо барои ҳамкории дуҷонибаи судманд, нақшаҳои минбаъда ва ба иҷро расонидани Созишномаи ҳамкорӣ вохӯрӣ намуданд. Дар ин хусус АМИТ «Ховар» бо истинод ба Шурои Иттифоқҳои касабаи вилояти Суғд хабар медиҳад.
Раиси Федератсияи Иттифоқҳои касабаи вилояти Свердловск Андрей Ветлужских бо фаъолияти Маркази бозомӯзӣ ва такмили ихтисос, синфхонаҳои таълимӣ ва Маркази забономӯзии Шурои Иттифоқҳои касабаи вилояти Суғд шинос гардид. Ҳамзамон дар машғулияти омӯзишии шунавандагон ва омӯзгорони марказ иштирок намуда, бо раисони кумитаҳои соҳавӣ ва кормандони масъули дастгоҳи Шурои Иттифоқҳои касабаи вилоят вохӯрӣ намуд.
Таъкид гардид, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин ҳамкории Ҷумҳурии Тоҷикистон бо Федератсияи Русия ва минтақаҳои он сол то сол инкишоф ва таҳким ёфта, дар бисёр самтҳои фаъолият ҳамкории зич амалӣ гардид.
Зимни вохӯрӣ доир ба ҳамкории дуҷонибаи судманд, нақшаҳои минбаъда ва ба иҷро расонидани Созишномаи ҳамкорӣ ибрози назар карда шуд.
АКС: Шурои Иттифоқҳои касабаи вилояти Суғд
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
