БАХШИДА БА РӮЗИ ДОНИШ. Дар шаҳри Роғун ба хонандагони ятими кулл ва нимятим либоси мактабӣ туҳфа мекунанд
РОҒУН, 20.08.2024. /АМИТ «Ховар»/. Дар арафаи Рӯзи дониш аз ҷониби Мақомоти иҷроияи ҳокимияти давлатии шаҳри Роғун ба 45 хонандаи ятими кулл ва нимятими шаҳр либосҳои мактабӣ ва лавозимоти хониш тақдим мегардад. Ҳамчунин сарпарастон тарбиятгирандагони Хонаи бачаҳои ба номи Т. Қодирови шаҳри Роғунро бо либосҳои ягонаи мактабию ашёи хониш таъмин менамоянд. Дар ин хусус муовини Раиси шаҳри Роғун Умеда Сатторбекзода ба хабарнигори минтақавии АМИТ «Ховар» Субҳониддини Маҳмуд иттилоъ дод.
Дар сиёсати иҷтимоии давлату ҳукумат, ки ба фароҳам овардани шароити зиндагии шоистаи мардум равона гардидааст, табақаҳои ниёзманди аҳолӣ, бахусус ятимону бепарасторон авлавият дошта, мавқеи хосро сазовор ҳастанд.
Имсол дар шаҳри Роғун коргоҳҳои дӯзандагии “Ситора” ва “Мавлуда” 4400 ҷуфт либоси мактабӣ истеҳсол намуда, ба хонандагони муассисаҳои шаҳри Роғун пешниҳод менамоянд. Имрӯзҳо аз тарафи ин коргоҳҳои дӯзандагӣ дар муассисаҳои таълимӣ ва чойхонаҳои ҷамъиятии деҳоти шаҳр намоишгоҳи фурӯши либосҳои мактабӣ ва ашёву лавозимоти хониш идома дорад, ки сокинон метавонанд аз онҳо бо нархи дастрас либос харанд.
АКС: Мақомоти иҷроияи ҳокимияти давлатии шаҳри Роғун
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
