«БЕҲТАРИН ШАХСИ ҲУҚУҚДОН». Таҳти чунин унвон дар ноҳияи Фирдавсии пойтахт озмун доир мегардад
ДУШАНБЕ, 31.08.2024 /АМИТ «Ховар»/. Моҳи октябри имсол аз ҷониби Мақомоти иҷроияи ҳокимияти давлатии ноҳияи Фирдавсии шаҳри Душанбе бахшида ба 30-солагии Конститутсияи Ҷумҳурии Тоҷикистон озмуни «Беҳтарин шахси ҳуқуқдон» баргузор мегардад.
Тавре ба АМИТ «Ховар» дар Мақомоти иҷроияи ҳокимияти давлатии ноҳияи Фирдавсии пойтахт иттилоъ доданд, озмун аз рӯйи шартҳои зерин гузаронида мешавад: саволу ҷавоби шифоҳӣ, хаттӣ ва тестӣ дар доираи мавзуъ вобаста ба масъалаҳои ҳуқуқӣ, муаррифии рӯнамо (презентатсия)-и довталаб дар доираи санадҳои меъёрии ҳуқуқӣ ва навиштани эссе дар мавзуи «30-солагии Конститутсияи Ҷумҳурии Тоҷикистон» ва дигар санадҳои меъёрии ҳуқуқӣ.
Озмун байни хонандагону донишҷӯёни муассисаҳои таҳсилоти миёнаи умумӣ, муассисаҳои таҳсилоти типи нав (гимназия, литсей ва мактабҳои президентӣ), муассисаҳои таҳсилоти олӣ ва миёнаи касбӣ, байни омӯзгорони ҳамаи зинаҳои таҳсил ва сокинони ноҳия доир шуда, ғолибон то рӯзи ҷашни Конститутсия бо «Ифтихорнома»-и мақомоти иҷроияи ҳокимияти давлатии ноҳия ва маблағҳои пулӣ қадрдонӣ мегарданд.
Омӯзгороне, ки шогирдонашон ғолибони даври озмун мегарданд, бо «Сипоснома» ва мукофоти пулӣ сарфароз гардонида мешаванд.
АКС: Мақомоти иҷрояи ҳокимияти давлатии ноҳияи Фирдавсӣ
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
